نیویارک (ویب ڈیسک): امریکی قومی محکمہ موسمیات (National Weather Service) کی رپورٹ کے مطابق نیویارک سٹی اور اس کے ملحقہ علاقوں میں اتوار کی صبح بارش کا سلسلہ جاری رہے گا، تاہم زیادہ تر بارش صبح 11 بجے سے پہلے ختم ہونے کا امکان ہے۔
محکمہ موسمیات کے مطابق دوپہر کے بعد آسمان آہستہ آہستہ صاف ہونا شروع ہو جائے گا، جبکہ درجہ حرارت 83 ڈگری فارن ہائیٹ (تقریباً 28 ڈگری سینٹی گریڈ) کے قریب رہے گا اور ہوائیں مشرق سے جنوب مغرب کی طرف منتقل ہوں گی۔
فلڈ ایڈوائزری کی مدت: نیویارک سٹی اور قریبی کاؤنٹیز کے لیے صبح 8:30 بجے تک فلڈ ایڈوائزری (Flood Advisory) برقرار رکھی گئی ہے، جس میں نشیبی اور ناقص ڈرینیج والے علاقوں میں معمولی سیلابی صورتحال سے خبردار کیا گیا ہے۔
ایڈوائزری کے تحت برونکس (Bronx)، بروکلن (Brooklyn)، مین ہٹن (Manhattan)، کوئینز (Queens)، نساؤ کاؤنٹی (Nassau County)، اور سدرن ویسٹ چیسٹر کاؤنٹی شامل ہیں۔
شہری اور خراب ڈرینیج والے علاقوں میں سڑکوں پر پانی جمع ہونے (Ponding) اور معمولی سیلابی صورتحال کا خدشہ ظاہر کیا گیا ہے۔
خطے میں نصف انچ سے 1.5 انچ تک مزید بارش کا امکان ظاہر کیا گیا ہے، جس کے باعث جمع شدہ پانی کی صورتحال مزید بگڑ سکتی ہے۔