نیویارک (ویب ڈیسک): امریکی شہر نیویارک میں بھارت کے یومِ آزادی کی مناسبت سے 44واں سالانہ ‘انڈیا انڈیپنڈنس ڈے پریڈ اینڈ فیسٹیول’ (India Independence Day Parade and Festival) اتوار کے روز منعقد ہو رہا ہے۔ یہ تقریب بھارت سے باہر منعقد ہونے والی سب سے بڑی ثقافتی پریڈز میں سے ایک شمار کی جاتی ہے۔
یہ تاریخی پریڈ دوپہر 12 بجے ایسٹ 39th اسٹریٹ اور میڈیسن ایونیو سے شروع ہوگی اور شام تقریباً 4 بجے ایسٹ 26th اسٹریٹ اور میڈیسن ایونیو پر اختتام پذیر ہوگی۔
اس سالانہ تقریب میں نیویارک کے تمام بورو (Boroughs) سے ہزاروں افراد شرکت کر رہے ہیں، جہاں رنگا رنگ ثقافتی پروگرام، لوک ناچ اور بالی ووڈ کی معروف شخصیات کی شرکت تقریب کو مزید دلکش بنائے گی۔
پریڈ کے ساتھ منعقدہ مفت فیسٹیول میں 45 سے زائد فوڈ ونڈرز (Food Vendors) ہندوستانی طعام کے متنوع اور روایتی ذائقے پیش کر رہے ہیں۔
پریڈ کے پیشِ نظر نیویارک پولیس کی جانب سے درج ذیل اہم سڑکوں کو عام ٹریفک کے لیے بند رکھا جائے گا:
38th اسٹریٹ سے 27th اسٹریٹ کے درمیان میڈیسن ایونیو
پارک ایونیو ساؤتھ اور ففتھ ایونیو کے درمیان 27th اسٹریٹ
24th اسٹریٹ سے 26th اسٹریٹ کے درمیان میڈیسن ایونیو
میڈیسن ایونیو اور پارک ایونیو ساؤتھ کے درمیان 26th اسٹریٹ