نیویارک: نیویارک سٹی میں اس ویک اینڈ پر تین بڑے عوامی پروگراموں کے انعقاد کے باعث ٹریفک کی صورتحال متاثر ہونے کا خدشہ ہے۔ حکام نے کینابس پریڈ، فائیو بورو بائیک ٹور اور سنکو ڈی میو پریڈ کے پیش نظر مین ہٹن، بروکلین، کوئینز، سٹیٹن آئی لینڈ اور برونکس کی متعدد سڑکیں بند کرنے کا اعلان کیا ہے۔
54ویں سالانہ کینابس پریڈکےموقع پر ہفتے کے روز مڈ ٹاؤن مین ہٹن میں ویسٹ 32 اسٹریٹ سے یونین اسکوائر تک براڈوے پر ٹریفک معطل رہے گی۔
سنکو ڈی میو پریڈ (اتوار): اتوار کو اپر مین ہٹن میں 106 اسٹریٹ اور سینٹرل پارک ویسٹ کے گرد و نواح میں سڑکیں بند رہیں گی۔
یہ اس ویک اینڈ کا سب سے بڑا ایونٹ ہے جس کے باعث پانچوں بوروز متاثر ہوں گے۔ میڈیسن ایونیو برج، پلوسکی برج، کوئینز بورو برج اور ویرازانو برج کے مخصوص حصے بائیک سواروں کے لیے مختص ہوں گے۔ مین ہٹن میں ایف ڈی آر ڈرائیو اور بروکلین میں بی کیو ای (BQE) کے کچھ حصوں پر بھی ٹریفک کی روانی متاثر ہوگی۔
شہریوں کو مشورہ دیا گیا ہے کہ وہ اپنی منزل پر پہنچنے کے لیے اضافی وقت رکھیں اور جہاں تک ممکن ہو پبلک ٹرانسپورٹ کا استعمال کریں۔