نیو یارک پولیس کاسب وےاسٹیشن پر حادثاتی طورپرفائرنگ کاواقعہ، دو افسران معطل

نیو یارک: بروکلین کے ایک سب وے اسٹیشن پر ڈیوٹی کے دوران پولیس افسر کی سروس گن سے اچانک گولی چل گئی، جس کے نتیجے میں ایک اور افسر اور 34 سالہ خاتون سویلین زخمی ہوگئے۔ واقعے کے بعد دونوں افسران کو تبدیل شدہ ڈیوٹی (modified duty) پر بھیج دیا گیا ہے۔

یہ واقعہ جمعرات کو برکلین کے کنگسٹن تھروپ ایونیوز (Kingston-Throop Avenues) سب وے اسٹیشن پر پیش آیا۔ پولیس حکام کا کہنا ہے کہ فائرنگ حادثاتی طور پر ہوئی، جس کی گولی کا ایک ٹکڑا دوسرے ڈیوٹی پر مامور پولیس افسر کو جا لگا۔

مزید تحقیقات سے یہ بات بھی سامنے آئی کہ گولی کا ایک اور ٹکڑا سب وے پر موجود 34 سالہ خاتون سویلین کو بھی جا لگا۔ خوش قسمتی سے خاتون کو معمولی چوٹیں آئیں۔

واقعے کے فوراً بعد دونوں زخمی افسران اور خاتون کو قریبی اسپتال منتقل کیا گیا، جہاں ابتدائی طبی امداد کے بعد انہیں فارغ کر دیا گیا۔ پولیس کے مطابق تمام متاثرین خطرے سے باہر ہیں اور ان کی حالت خطرے سے خالی ہے۔ واقعے کی تحقیقات کے بعد دونوں متعلقہ افسران کو عارضی طور پر تبدیل شدہ ڈیوٹی پر مقرر کر دیا گیا ہے، جبکہ مزید تفصیلات فی الحال جاری نہیں کی گئیں۔