نیویارک: نیویارک سٹی کے میئر زہران مامدانی نے فٹ بال ورلڈ کپ کے فائنل سے قبل ایک انتہائی دلچسپ اور تاریخی یاد شیئر کرتے ہوئے شائقینِ فٹ بال کی توجہ اپنی جانب مبذول کروا لی ہے۔
میئر نے سوشل میڈیا پر جاری اپنے پیغام میں بتایا کہ ٹھیک 19 سال پہلے، فٹ بال کے عظیم کھلاڑی لیونل میسی نے ایک فلاحی کیلنڈر (Charity Calendar) کے لیے لامین یامال نامی ایک معصوم بچے کو نہلایا تھا۔ آج وہی بچہ فٹ بال کی دنیا کا ایک ابھرتا ہوا ستارہ بن چکا ہے۔ کچھ لوگ اسے فٹ بال کی تاریخ کی سب سے مشہور ‘برکت یا دعا’ کہتے ہیں، جبکہ کچھ کے خیال میں یہ کسی بہترین فلم کے اسکرپٹ کی طرح لگتا ہے۔
میئر زہران مامدانی کا کہنا تھا کہ اس خوبصورت کہانی کا اختتام کل نیویارک نیو جرسی (NYNJ) اسٹیڈیم میں ہونے جا رہا ہے، جہاں یہ دونوں کھلاڑی آمنے سامنے ہوں گے۔
ورلڈ کپ کے اس آخری اور فائنل باب کے لکھے جانے سے پہلے، میئر نے تمام شہریوں اور فٹ بال کے دیوانوں کو “مارننگ پچ” (Morning Pitch) کی آخری لائیو نشریات دیکھنے کی دعوت دی ہے۔ اس لائیو سیشن میں میچ کے آغاز (Kickoff) سے پہلے موسم، ٹریفک اور پبلک ٹرانزٹ کی تمام اہم ترین اپ ڈیٹس فراہم کی جائیں گی۔
انتظامیہ کے مطابق، یہ آخری “مارننگ پچ” صبح 8:30 بجے یوٹیوب، انسٹاگرام، فیس بک اور ایکس (ٹویٹر) پر لائیو اسٹریم کی جائے گی تاکہ اسٹیڈیم جانے والے اور میچ دیکھنے والے شائقین کو کسی قسم کی پریشانی کا سامنا نہ کرنا پڑے۔