نیویارک فائرڈیپارٹمنٹ کامنفرداقدام، بچوں کوآگ سےبچاؤکی تربیت دینےکی خصوصی مہم

نیویارک (ویب ڈیسک): بچوں کو آگ سے بچاؤ اور ایمرجنسی میں نکلنے کے طریقے سکھانا کوئی آسان کام نہیں، لیکن نیویارک سٹی فائر ڈیپارٹمنٹ (FDNY) ‘نیشنل فائر پریوینشن ویک’ (National Fire Prevention Week) کے موقع پر اس اہم تربیت کو دلچسپ اور تفریحی انداز میں بچوں تک پہنچا رہا ہے۔

اس خصوصی ہفتے کی مناسبت سے ایف ڈی این وائی شہریوں کو یاد دہانی کروا رہا ہے کہ زندگی بچانے والی فائر سیفٹی کی تدابیر اور مشقیں (Fire Safety Tips) سیکھنے کے لیے کوئی بھی عمر کم نہیں ہوتی۔ مختلف پروگرامز کے ذریعے بچوں کو آگ لگنے کی صورت میں گھبرانے کے بجائے فوری طور پر محفوظ طریقے سے باہر نکلنے اور آگ سے بچاؤ کے طریقے سکھائے جا رہے ہیں۔

بچوں کے لیے خصوصی سرگرمیاں اور پریزنٹیشنز تیار کی گئی ہیں تاکہ وہ آسان اور دلچسپ ماحول میں زندگی بچانے کے اصول سیکھ سکیں۔

بچوں کو سکھایا جا رہا ہے کہ گھر یا اسکول میں آگ لگنے کی صورت میں بغیر کسی تاخیر کے کیسے محفوظ راستے سے باہر نکلنا ہے۔

ایف ڈی این وائی تمام والدین اور اسکولوں پر زور دے رہا ہے کہ وہ گھروں میں بھی بچوں کے ساتھ فائر ڈرلز اور ہنگامی منصوبوں کی مشق کریں۔