نیویارک: نیویارک پولیس (NYPD) ایک ایسی خاتون کی تلاش کر رہی ہے جس نے لانگ آئی لینڈ سٹی میں ایم ٹی اے (MTA) بس کی ڈیوٹی پر موجود خاتون ڈرائیور پر حملہ کیا اور بس کا شیشہ توڑ دیا
پولیس کے مطابق واقعہ ہفتے کی صبح تقریباً 11:36 بجے ورنن بلیوارڈ اور 38ویں ایونیو کے قریب پیش آیا۔
ایک تلخ کلامی کے دوران ملزمہ نے ڈیوٹی پر موجود ایم ٹی اے ملازمہ کے منہ پر متعدد مکّے مارے اور بس کی پچھلی کھڑکی کا شیشہ توڑ دیا۔
طبی امدادی ٹیم (EMS) نے متاثرہ ڈرائیور کو مقامی ہسپتال منتقل کر دیا ہے جہاں اس کی حالت مستحکم بتائی جاتی ہے۔
واقعے کے بعد ملزمہ پیدل فرار ہو گئی، جس کی تصویر این وائی پی ڈی نے جاری کر دی ہے۔
پولیس نے عوام سے اپیل کی ہے کہ کسی بھی قسم کی معلومات رکھنے والے افراد کرائم اسٹاپرز کی ہیلپ لائن 8477-577-800-1 پر رابطہ کریں، یا کیریبیئن ویب سائٹ crimestoppers.nypdonline.org یا ایپ کے ذریعے اطلاع دیں۔