سان فرانسسکو(ویب ڈیسک): خواتین کو ٹیکنالوجی کے میدان میں آگے بڑھانے اور جدید معیشت کا حصہ بنانے کے لیے “گرو ود گوگل” (Grow with Google) پروگرام کے تحت 200 سے زائد اسکالرشپس فراہم کرنے کا اعلان کیا گیا ہے۔
اس عالمی پروگرام کا مقصد خواتین کو وہ عملی مہارتیں سکھانا ہے جو آج کے ڈیجیٹل دور میں ملازمت کے بہترین مواقع حاصل کرنے کے لیے ضروری ہیں۔
یہ چھ ماہ کا آن لائن سرٹیفیکیشن پروگرام ہے جسے اس طرح ڈیزائن کیا گیا ہے کہ خواتین اپنی گھریلو یا پیشہ ورانہ مصروفیات کے ساتھ ہفتے میں صرف 5 گھنٹے دے کر اسے مکمل کر سکتی ہیں۔
آئی ٹی سپورٹ، ڈیٹا اینالیٹکس، پراجیکٹ مینجمنٹ، یو ایکس (UX) ڈیزائن، ڈیجیٹل مارکیٹنگ اور ای کامرس، اور سائبر سیکیورٹی۔
درخواست گزار خواتین کے پاس کمپیوٹر/لیپ ٹاپ اور مستحکم انٹرنیٹ کنکشن ہونا ضروری ہے۔
امیدواروں کو اپنے کیریئر کے اہداف، منتخب کردہ کورس اور وقت کی دستیابی کے بارے میں تفصیلات فراہم کرنی ہوں گی۔
یہ پروگرام ان خواتین کے لیے بہترین ہے جو ٹیکنالوجی میں اپنا کیریئر شروع کرنا چاہتی ہیں یا اپنی موجودہ مہارتوں کو عالمی معیار کے مطابق اپ گریڈ کرنا چاہتی ہیں۔
