نیویارک: بروکلین کے ابھرتے ہوئے علاقے Gowanus میں سستی رہائش کے خواہشمند افراد کے لیے ایک بڑی خوشخبری سامنے آئی ہے۔ نیویارک سٹی کی جانب سے 325 Bond Street پر واقع ایک نئی عمارت کے لیے Affordable Housing Lottery کھول دی گئی ہے، جہاں کرایہ داروں کو اس علاقے میں رہنے کا موقع ملے گا۔
اپارٹمنٹس کی تفصیلات اور کرایہ
اس ہاؤسنگ لاٹری میں مختلف کیٹیگریز کے اپارٹمنٹس شامل ہیں:
اسٹوڈیو اپارٹمنٹس (Studios): 16 یونٹس دستیاب ہیں جن کا ماہانہ کرایہ $903 ہے۔ اس کے لیے ایک سے دو افراد پر مشتمل گھرانہ، جس کی سالانہ آمدنی 34,766 سے 51,840 ڈالر کے درمیان ہو، درخواست دے سکتا ہے۔
ون بیڈ روم اپارٹمنٹس (1-Bedroom): 33 اپارٹمنٹس دستیاب ہیں جن کا کرایہ $961 ماہانہ ہے۔ اس کے لیے ایک سے تین افراد اور 37,269 سے 58,320 ڈالر سالانہ آمدنی کی شرط ہے۔
ٹو بیڈ روم اپارٹمنٹس (2-Bedroom): 18 اپارٹمنٹس دستیاب ہیں جن کا کرایہ $1,142 ماہانہ ہے۔ اس کے لیے دو سے پانچ افراد اور 44,880 سے 70,000 ڈالر سالانہ آمدنی کا ہونا ضروری ہے۔
325 Bond Street پر رہائش اختیار کرنے والوں کو جدید ترین سہولیات میسر ہوں گی، جن میں :
بزنس سینٹر اور بچوں کے لیے پلے روم۔
آؤٹ ڈور ٹیرس (Outdoor Terrace)۔
جمنازیم، یوگا اور ڈانس اسٹوڈیو شامل ہیں۔
کرایے میں ہیٹنگ اور گرم پانی کی سہولت شامل ہے، تاہم بجلی کا بل کرایہ داروں کو خود ادا کرنا ہوگا۔