نیویارک: نیویارک سٹی کے میئر زہران ممدانی، ڈپٹی میئر جولی سو اور ایس بی ایس (SBS) کمشنر کینی مینایا نے “NYC Future Fund” کے باقاعدہ آغاز کا اعلان کر دیا ہے۔ اس پروگرام کا مقصد شہر کے چھوٹے اور تیزی سے بڑھتے ہوئے کاروباروں، خصوصاً تارکینِ وطن، اقلیتوں اور خواتین کی ملکیت والے اداروں کو آسان شرائط پر مالی امداد فراہم کرنا ہے۔
میئر ممدانی نے اس موقع پر کہا، “چھوٹے کاروبار نیویارک کی معیشت کی ریڑھ کی ہڈی ہیں۔ ہم اس فنڈ کے ذریعے ان رکاوٹوں کو ختم کر رہے ہیں جو محنت کش طبقے اور تارکینِ وطن کو سرمایہ حاصل کرنے سے روکتی تھیں۔”
قرض کی حد 100,500 ڈالر سے کم کر کے 25,000 ڈالر کر دی گئی ہے تاکہ چھوٹے دکاندار بھی فائدہ اٹھا سکیں۔سود کی شرح 9 فیصد سے گھٹا کر 7.5 فیصد کر دی گئی ہے۔
ماہانہ واپسی کی شرح کو آمدنی کے 9.5 فیصد سے کم کر کے صرف 2 فیصد تک لایا جا سکتا ہے۔
اب وہ کاروبار بھی درخواست دے سکتے ہیں جن کی سالانہ آمدنی 50,000 ڈالر ہے (پہلے یہ حد 300,000 ڈالر تھی)۔
یہ پروگرام نیویارک سٹی اور مختلف مالیاتی اداروں (CDFIs) کے اشتراک سے چلایا جا رہا ہے تاکہ معاشی انصاف کے ایجنڈے کو آگے بڑھایا جا سکے۔ دلچسپی رکھنے والے مالکان nyc.gov/futurefund پر جا کر درخواست دے سکتے ہیں۔