نیو جرسی (ویب ڈیسک): نیو جرسی اور نیویارک کے درمیان روزانہ سفر کرنے والے ہزاروں مسافروں کے لیے ‘نیو یارک واٹر وے’ (NY Waterway) نے ایک اہم ریلیف کا اعلان کیا ہے۔
پیر سے شروع ہونے والے نئے شیڈول کے تحت، ‘پورٹل نارتھ برج’ (Portal North Bridge) کی تعمیراتی کام کے باعث نیو یارک پین اسٹیشن جانے والی ٹرین سروس محدود رہے گی، جس کے متبادل کے طور پر فیری سروس استعمال کی جا سکے گی۔
یہ تبدیلی پیر سے شروع ہو کر اگلے 4 ہفتوں تک جاری رہنے کا امکان ہے۔ درج ذیل لائنوں کی ‘مڈ ٹاؤن ڈائریکٹ’ ٹرینوں کو نیویارک کے بجائے ہوبوکن (Hoboken) کی طرف موڑ دیا جائے گا:
مورس اور ایسیکس (M&E)
گلڈ اسٹون برانچ (Gladstone Branch)
مونٹ کلیئر-بونٹن لائن (Montclair-Boonton Line)
ہوبوکن پہنچنے والے مسافر اپنے ٹرین کے ٹکٹ دکھا کر ‘نیو یارک واٹر وے’ کی فیری کے ذریعے ویسٹ 39 تھ اسٹریٹ ٹرمینل (Midtown) تک مفت سفر کر سکیں گے۔ اس کے علاوہ، مڈ ٹاؤن ٹرمینل سے منزلِ مقصود تک جانے کے لیے فیری کی مفت کنیکٹنگ بس سروس بھی دستیاب ہوگی۔
انتظامیہ نے مسافروں کو مشورہ دیا ہے کہ وہ اپنی ٹرین کی ٹکٹیں ‘ہوبوکن’ تک کی ہی خریدیں، جسے دکھا کر وہ فیری پر سوار ہو سکیں گے۔ رش کے اوقات میں مسافروں کی سہولت کے لیے اضافی فیری سروسز بھی چلائی جائیں گی۔
توقع ہے کہ نیو جرسی ٹرانزٹ کی معمول کی سروس اتوار، 15 مارچ سے دوبارہ بحال ہو جائے گی۔
