واشنگٹن ڈی سی(ویب ڈیسک): امریکہ اپنی سفری پابندیوں کی فہرست میں شامل ممالک کی تعداد کو 19 سے بڑھا کر 30 سے زائد کرنے کی تیاری کر رہا ہے۔
امریکی ہوم لینڈ سیکیورٹی کی سیکرٹری کرسٹی نوئم (Kristi Noem) نے امریکی ٹی وی سے گفتگو کرتے ہوئے کہا کہ صدر ٹرمپ اس بات کا جائزہ لے رہے ہیں کہ مزید کون سے ممالک ہوں گے جن پر قومی سلامتی اور عوامی تحفظ کے خدشات کے پیش نظر پابندیاں لگائی جائیں گی۔ تاہم، انہوں نے کسی بھی ممکنہ نئے ملک کا نام لینے سے گریز کیا۔
رواں ماہ کے آغاز میں یہ خبر سامنے آئی تھی کہ ٹرمپ انتظامیہ نے قومی سلامتی کے خدشات کے باعث 19 غیر یورپی ممالک سے آنے والے تارکین وطن کی جانب سے جمع کروائی گئی تمام امیگریشن درخواستوں (جس میں گرین کارڈ اور امریکی شہریت کی کارروائی بھی شامل ہے) کو روک دیا تھا۔
غیر ملکی خبر ایجنسی رائٹرز کے مطابق، یہ حالیہ پابندی ان 19 ممالک کے افراد پر لاگو ہوئی جنہیں جون میں پہلے ہی جزوی سفری پابندی کا سامنا تھا۔
ان ممالک میں افغانستان، برما، چاڈ، جمہوریہ کانگو، استوائی گنی، اریتریا، ہیٹی، ایران، لیبیا، صومالیہ، سوڈان، اور یمن شامل تھے، جن پر چند استثناؤں (Exceptions) کے ساتھ امریکہ میں داخلے پر مکمل پابندی بھی عائد کی گئی تھی۔
فہرست میں شامل دیگر 19 ممالک، جنہیں جزوی پابندیوں کا سامنا تھا، میں برونڈی، کیوبا، لاؤس، سیرالیون، ٹوگو، ترکمانستان، اور وینیزویلا شامل ہیں۔
