لوڈ ہو رہا ہے...
00:00:00
ہیڈ لائنز

میئرزوہران مامدانی نےایرن پلنیاک کورسک مینجمنٹ وتعمیل کےدفتر کی ڈائریکٹراور’سٹی وائیڈلیڈکمپلائنس آفیسر’مقررکردیا

لنک کاپی ہو گیا ہے!

John Doe

نیویارک: امریکی ریاست نیویارک کے میئر زوہران کوامے مامدانی (Zohran Kwame Mamdani) نے ایرن پلنیاک (Erin Pilnyak) کو میئرز آفس آف رسک مینجمنٹ اینڈ کمپلائنس (MORMC) کی نئی ڈائریکٹر کے عہدے پر مقرر کر دیا ہے۔

اپنی اس نئی ذمہ داری کے ساتھ ایرن پلنیاک نیویارک شہر کی چیف سٹی وائیڈ لیڈ (Lead) کمپلائنس آفیسر کے طور پر بھی خدمات انجام دیں گی، جہاں وہ شہر کے پانچوں بوروز میں پینے کے پانی، پائپوں اور عمارتوں کے پینٹ میں سیسے (Lead) کے زہریلے اثرات کے مکمل خاتمے اور سیکیورٹی کی نگرانی کریں گی۔

میئر زوہران مامدانی نے اس تعیناتی کا اعلان کرتے ہوئے کہا کہ “نیویارک کے شہری ایک ایسی حکومت کے مستحق ہیں جو ان کے ٹیکسوں اور وسائل کا بہترین استعمال کرے۔ ایرن پلنیاک کی قیادت میں سٹی ہال دفتری بے ضابطگیوں، بدعنوانی اور تاخیر کا خاتمہ کرے گا، جبکہ بچوں اور شہریوں کو سیسے (Lead) سے محفوظ بنانے کے لیے ہنگامی بنیادوں پر کام کرے گا”۔

بطور سٹی وائیڈ لیڈ کمپلائنس آفیسر، ایرن پلنیاک نیویارک سٹی ہاؤسنگ اتھارٹی (NYCHA)، نیویارک سٹی پبلک اسکولز (NYCPS)، محکمہ ماحولیاتی تحفظ (DEP)، محکمہ صحت (DOHMH) اور ہاؤسنگ پریزرویشن اینڈ ڈیولپمنٹ (HPD) کے ساتھ مل کر کام کریں گی۔ اس سے قبل مامدانی انتظامیہ نے نائچا کے 63 چائلڈ کیئر سینٹرز میں 10.2 ملین ڈالر کی لاگت سے لیڈ ری میڈی ایشن اور اسکولوں میں ہر سال پینے کے پانی کا معائنہ لازمی قرار دیا ہے۔

MORMC ادارہ جاتی خطرات، فراڈ اور عدم توجہی کو مہنگے مقدمات اور انکوائریوں میں بدلنے سے پہلے روکنے کے لیے ڈیٹا پر مبنی حکمتِ عملی پر عمل کرے گا۔ میئر مامدانی کی انتظامیہ پہلے ہی چیف سیونگز افسران کے ذریعے 1.77 بلین ڈالر کے ضائع ہونے والے سرکاری فنڈز کی بچت کر چکی ہے۔

ایرن پلنیاک کا پس منظر: ایرن پلنیاک ایک تجربہ کار اٹارنی ہیں جو اس سے قبل این وائی پی ڈی (NYPD) کے رسک مینجمنٹ بیورو میں اسسٹنٹ ڈپٹی کمشنر، میئرز آفس آف کرمنل جسٹس میں ڈپٹی ڈائریکٹر اور مین ہٹن ڈسٹرکٹ اٹارنی آفس میں پراسیکیوٹر کے طور پر خدمات انجام دے چکی ہیں۔ انہوں نے یو سی برکلے اور کارنیل لا اسکول سے تعلیم حاصل کی ہے۔