لوڈ ہو رہا ہے...
00:00:00
ہیڈ لائنز

اقوامِ متحدہ میں پاکستان کےمستقل مندوب سفیرسیدحیدرشاہ کی نیویارک میںUNHCR کےڈائریکٹرSivanka Dhanapala سےخیرسگالی ملاقات

لنک کاپی ہو گیا ہے!

John Doe

نیویارک / اسلام آباد (ویب ڈیسک): اقوامِ متحدہ میں پاکستان کے مستقل مندوب سفیر سید حیدر شاہ (Ambassador Syed Haider Shah) نے نیویارک میں اقوامِ متحدہ کے ادارہ برائے پناہ گزین (UNHCR) کے ڈائریکٹر سیوانکا دھناپالا (Sivanka Dhanapala) سے ایک اہم خیرسگالی ملاقات (Courtesy meeting) کی۔

ملاقات کے دوران ڈائریکٹر یو این ایچ سی آر سیوانکا دھناپالا نے سفیر سید حیدر شاہ کو اقوامِ متحدہ میں پاکستان کے مستقل مندوب کی ذمہ داریاں سنبھالنے پر دلی مبارکباد پیش کی اور ان کے لیے نیک خواہشات کا اظہار کیا۔

مسٹر سیوانکا دھناپالا نے پاکستانی مندوب کو نیویارک میں یو این ایچ سی آر کے کام اور جاری سرگرمیوں کے حوالے سے تفصیلی بریفنگ دی، جبکہ عالمی سطح پر پناہ گزینوں کے معاملات میں پاکستان کی دیرینہ شراکت داری اور مسلسل حمایت کو سراہتے ہوئے بھرپور خراجِ تحسین پیش کیا۔

ملاقات کے اختتام پر دونوں فریقین نے باہمی دلچسپی کے تمام امور پر قریبی رابطے، مسلسل مشغولیت اور دوطرفہ تعاون کو مزید فروغ دینے کے اپنے پختہ عزم کا اعادہ کیا۔