واشنگٹن (ویب ڈیسک): ٹرمپ انتظامیہ نے ڈونلڈ ٹرمپ کی سوشل میڈیا کمپنی ‘ٹرمپ میڈیا اینڈ ٹیکنالوجی گروپ’ کی سینئر کمیونیکیشن ایڈوائزر اور قانون دان کیٹی زیکریا (Katie Zacharia) کو وائٹ ہاؤس کا نیا پریس سیکریٹری بنانے کی پیشکش کی ہے۔
وائٹ ہاؤس کے ایک اعلیٰ اہلکار نے امریکی خبر رساں ادارے سے گفتگو کرتے ہوئے اس تقرری کی تصدیق کی ہے۔
اگر کیٹی زیکریا اس ذمہ داری کو قبول کر لیتی ہیں تو وہ کیرولین لیوٹ (Karoline Leavitt) کی جگہ لیں گی جنہوں نے اگست کے آخر میں اپنے عہدے سے استعفیٰ دے دیا تھا۔ نیویارک ٹائمز نے سب سے پہلے اس مجوزہ تقرری کی خبر کا انکشاف کیا۔
کیٹی زیکریا جون 2026 سے صدر ٹرمپ کے ملکیتی سوشل میڈیا پلیٹ فارم ‘ٹروتھ سوشل’ (Truth Social) کی مدر کمپنی ‘ٹرمپ میڈیا اینڈ ٹیکنالوجی گروپ’ میں سینئر کمیونیکیشن ایڈوائزر کے طور پر کام کر رہی ہیں۔
وہ قدامت پسند ایکٹوسٹ گروپ ‘فکس کیلیفورنیا’ (Fix California) میں جنرل کونسل کے فرائض بھی انجام دے رہی ہیں، جس کے بانی رچرڈ گرینل (Richard Grenell) ہیں جو ٹرمپ انتظامیہ کے خاص صدارتی نمائندے کے طور پر خدمات انجام دے رہے ہیں۔
کیٹی زیکریا پیشہ ورانہ لحاظ سے وکیل اور قدامت پسند سیاسی مبصر کی حیثیت سے جانی جاتی ہیں۔