کیلیفورنیا: ٹیکنالوجی کی دنیا کی معروف کمپنی ‘ایپل’ نے اپنے فلیگ شپ iPhone 17 اور نئے سستے لیپ ٹاپ MacBook Neo کی غیر معمولی مانگ کے باعث وال اسٹریٹ کے تمام اندازے پیچھے چھوڑ دیے۔
کمپنی کے مثبت نتائج اور مستقبل کی بہتر پیشن گوئی کے بعد ایپل کے شیئرز کی قیمت میں 4 فیصد اضافہ ریکارڈ کیا گیا ہے۔
رپورٹ کے مطابق، ایپل نے رواں مالی سال کی دوسری سہ ماہی میں 111.18 ارب ڈالر کی سیلز ریکارڈ کی ہے۔ اگرچہ کمپنی کو سپلائی چین کے مسائل اور چپس کی کمی کا سامنا ہے، لیکن چین میں مضبوط فروخت اور سروسز کے شعبے میں اضافے نے منافع کو مستحکم رکھا ہے۔
ایپل کے سی ای او ٹم کک نے بتایا کہ آئی فون 17 کی مانگ توقعات سے کہیں زیادہ ہے، تاہم جدید پراسیسر چپس کی کمی کی وجہ سے سپلائی میں کچھ رکاوٹیں پیش آئیں۔
ایپل نے طلبہ کے لیے 500 ڈالر کی قیمت والا ‘میک بک نیو’ بھی متعارف کروایا ہے، جس کا مقصد گوگل کروم بکس کے زیرِ قبضہ 20 ارب ڈالر کی مارکیٹ میں حصہ بنانا ہے۔
اس کے علاوہ کمپنی نے 100 ارب ڈالر کے شیئرز دوبارہ خریدنے (Buyback) کا بھی اعلان کیا ہے، جس سے سرمایہ کاروں کے اعتماد میں مزید اضافہ ہوا ہے۔