لوڈ ہو رہا ہے...
00:00:00
ہیڈ لائنز

کراچی ورلڈکلچرفیسٹیول میں پاک امریکہ ثقافتی اشتراک،امریکی فنکاروں کی شاندارپرفارمنس

لنک کاپی ہو گیا ہے!

John Doe

کراچی: امریکی قونصل خانہ کراچی (U.S. Consulate General Karachi) نے عالمی ثقافتی میلے ورلڈ کلچر فیسٹیول (World Culture Festival) کے موقع پر آرٹس کونسل آف پاکستان کراچی (Arts Council of Pakistan Karachi) کے ساتھ اہم اشتراک کیا ہے

جس کا مقصد فنونِ لطیفہ، موسیقی، سائنس، ٹیکنالوجی اور جدت (Innovation) کے شعبوں میں امریکی مہارت اور نمایاں کامیابیوں کو اجاگر کرنا اور دونوں ممالک کے عوام کے درمیان ثقافتی روابط کو مزید فروغ دینا ہے۔

اس خصوصی پروگرام کے دوران امریکی جدت، سائنسی ترقی اور اعلیٰ کارکردگی کو خراجِ تحسین پیش کرنے کے لیے ایک منفرد نمائش کا بھی اہتمام کیا گیا، جس میں شرکاء نے گہری دلچسپی لی۔

تقریب کا سب سے یادگار حصہ معروف امریکی موسیقاروں ایلیو ولّافرانکا (Elio Villafranca)، ایرون انگلش (Aaron English) اور کیرولین کاٹر (Carolyn Cotter) کی شاندار پرفارمنسز تھیں، جنہوں نے اپنے فن کا جادو جگایا۔

امریکی موسیقاروں نے پاکستانی فنکاروں کے ساتھ مل کر مشترکہ پرفارمنسز پیش کیں اور اس پیغام کا جشن منایا کہ موسیقی اور فن کس طرح جغرافیائی سرحدوں کی پابندیوں سے بالاتر ہو کر مختلف اقوام کو ایک دوسرے کے قریب لاتے ہیں اور باہمی تعلق کو مضبوط بناتے ہیں۔

امریکی قونصل خانے کی جانب سے اس یادگار پروگرام کو کامیابی سے منعقد کرنے اور اس اہم شراکت داری کو ممکن بنانے پر امریکی حکومت کے تبادلہ پروگرام (U.S. Government Exchange Program) کے سابق شرکاء میں شامل معروف موسیقار احسن باری (Ahsan Bari) اور آرٹس کونسل آف پاکستان کراچی کی پوری ٹیم کا خصوصی شکریہ ادا کیا گیا، اور ان کی قابلِ قدر معاونت و تعاون کو پاک امریکہ تعلقات کے لیے باعثِ مسرت قرار دیا گیا۔