امریکی صدر ڈونلڈ ٹرمپ نے مسلم امریکن کمیونٹی اور دنیا بھر کے مسلمانوں کو رمضان المبارک کی دلی مبارکباد پیش کی ہے.
امریکی صدر ڈونلڈ ٹرمپ نے ماہِ صیام کے آغاز پر مسلمان شہریوں کو خصوصی مبارکباد دیتے ہوئے اسے روحانی بالیدگی اور شکر گزاری کا مہینہ قرار دیا ہے۔
انہوں نے اس بات پر زور دیا کہ یہ مقدس مہینہ نہ صرف خاندانی روابط کو مضبوط کرتا ہے بلکہ معاشرے میں ہمدردی، سخاوت اور عاجزی جیسی اعلیٰ انسانی اقدار کو بھی فروغ دیتا ہے۔
وائٹ ہاؤس کے بیان کے مطابق، صدر ٹرمپ نے مذہبی آزادی کو امریکہ کی بنیاد قرار دیتے ہوئے یقین دلایا کہ ان کی انتظامیہ ہر شہری کے بلاخوف و خطر اپنی عبادت کرنے کے حق کا تحفظ کر رہی ہے۔
صدر نے اپنے پیغام کا اختتام تمام مسلمانوں کے لیے خیر و برکت، امن اور عالمی اتحاد کی دعاؤں کے ساتھ کیا