لوڈ ہو رہا ہے...
00:00:00
ہیڈ لائنز

Farmer’s Almanac نےکرسمس 2026 کا موسمی آؤٹ لک جاری کر دیا

لنک کاپی ہو گیا ہے!

John Doe

نیویارک (ویب ڈیسک): اگرچہ کرسمس کے تہوار میں ابھی ایک ماہ سے زائد کا وقت باقی ہے، لیکن نیویارک، نیوجرسی اور کنیکٹیکٹ (ٹرائی اسٹیٹ ایریا) کے رہائشیوں نے ابھی سے یہ جاننے میں دلچسپی ظاہر کرنا شروع کر دی ہے کہ آیا اس بار کرسمس کے موقع پر انہیں سفید برف کی چادر (White Christmas) دیکھنے کو ملے گی یا نہیں۔

معروف موسمیاتی ادارے ‘فارمرز الماناک’ (Farmer’s Almanac) نے جمعرات کو کرسمس 2026 کے لیے اپنا باضابطہ آؤٹ لک جاری کیا ہے، جس کے مطابق نیویارک سٹی اور اس کے ساحلی علاقوں کے لیے برف باری کے امکانات میں کافی غیر یقینی صورتحال موجود ہے۔

رپورٹ کے مطابق، شمال مشرقی امریکہ کے اندرونی اور شمالی علاقوں (Inland Areas) میں کرسمس پر برف باری کا تاریخی ریکارڈ زیادہ مضبوط ہے، لیکن نیویارک سٹی سمیت ساحلی پٹی پر بارش یا مخلوط بارش (Mixed Precipitation) کی وجہ سے زمین پر برف جمنے کے امکانات محدود رہ سکتے ہیں۔

نیشنل اوشینک اینڈ ایٹموسفیئرک ایڈمنسٹریشن (NOAA) اور نیشنل ویدر سروس کے مطابق، ‘وائٹ کرسمس’ اسی وقت شمار ہوتی ہے جب 25 دسمبر کی صبح زمین پر کم از کم 1 انچ برف موجود ہو۔ اس کے لیے 25 دسمبر کو ہی برف باری ہونا ضروری نہیں، بلکہ اگر ایک دو دن پہلے کی برف باری کا 1 انچ حصہ بھی گراؤنڈ پر برقرار رہے تو اسے وائٹ کرسمس مانا جاتا ہے۔

NOAA کے تاریخی اعداد و شمار کے مطابق، نیویارک سٹی میں کرسمس پر 1 انچ یا اس سے زیادہ برف گراؤنڈ پر موجود ہونے کے تاریخی امکانات صرف 13 فیصد (یعنی ہر 7 سے 10 سال میں اوسطاً ایک بار) رہے ہیں۔

محکمہ موسمیات کے ماہرین کا کہنا ہے کہ کرسمس کے ہفتے کے دوران درجہ حرارت اور بارش کی نوعیت ہی حتمی فیصلہ کرے گی کہ ساحلی علاقوں میں برفباری جمے گی یا بارانی موسم رہے گا۔