فورٹ بینڈ میں ٹرکی گِو اَوے ایونٹ کامیابی سے ہمکنار

رپورٹ | عاطف خان

فورٹ بینڈ کاؤنٹی میں مقیم اور پبلک سروس کے شعبے میں تجربہ رکھنے والی سارہ خان نے مسوری سٹی، ٹیکساس میں مقامی کمیونٹی کے لیے تھینکس گیونگ کے موقع پر مفت ترکی گِو اَوے کا اہتمام 23 نومبر کو کیا۔ یہ ایونٹ کنگ ڈالر اسٹور (2192 ٹیکساس پارک وے، مسوری سٹی، TX 77489) میں دوپہر 1 بجے سے 3 بجے تک منعقد ہوا۔

مقامی کمیونٹی کی خدمت کے جذبے کے تحت منعقد کیا جانے والا ٹرکی گِو اَوے ایونٹ شاندار کامیابی کے ساتھ اختتام پذیر ہوا۔

منتظمین کے مطابق، اس ایونٹ میں بڑی تعداد میں افراد نے شرکت کی، جبکہ رضاکاروں اور معاونین نے بھی بھرپور کردار ادا کیا۔ایونٹ کی منتظم سارہ خان نے اپنے بیان میں کہا کہ کمیونٹی کی خدمت اُن کے لیے باعثِ مسرت ہے اور اس طرح کی سرگرمیاں فورٹ بینڈ کو مزید مضبوط اور باہمی ہمدردی رکھنے والا معاشرہ بنانے میں مدد دیتی ہیں۔

انہوں نے تمام شرکاء، رضاکاروں اور اُن لوگوں کا شکریہ ادا کیا جنہوں نے اس مہم کی اطلاع کو پھیلانے میں حصہ لیا۔

انہوں نے مزید کہا کہ اس کامیاب ایونٹ نے ثابت کیا کہ کمیونٹی مل کر کام کرے تو مثبت تبدیلی ممکن ہے۔