نیویارک/ واشنگٹن(ویب ڈیسک): ‘ویمنز ہسٹری منتھ‘ (خواتین کی تاریخ کے مہینے) کے موقع پر پاکستانی امریکن لاء انفورسمنٹ سوسائٹی (PALS) نے قانون نافذ کرنے والے اداروں میں خدمات انجام دینے والی پاکستانی نژاد خواتین کے اعزاز میں ایک خصوصی پیغام جاری کیا ہے۔
PALS کی جانب سے جاری کردہ بیان میں کہا گیا ہے کہ وہ ان تمام خواتین کی تہہِ دل سے معترف ہیں جو اپنی ثقافتی جڑوں اور پیشہ ورانہ فرائض کے درمیان توازن برقرار رکھتے ہوئے بہترین خدمات انجام دے رہی ہیں۔
بیان کے مطابق، ایک پاکستانی نژاد امریکی خاتون کے لیے لاء انفورسمنٹ کا راستہ کبھی بھی آسان یا سیدھا نہیں رہا۔
سوسائٹی نے اس بات پر زور دیا کہ یہ خواتین صرف ایک ‘بیج’ (Badge) نہیں پہنتیں بلکہ وہ ایسی جگہوں پر قدم رکھنے کی ہمت رکھتی ہیں جہاں ان سے پہلے بہت کم لوگ گئے۔
اپنی ثقافتی وراثت اور پیشہ ورانہ وقار کو ایک ساتھ لے کر چلنے کا عزم رکھتی ہیں۔
معاشرے میں اپنی کمیونٹی کی نمائندگی کا بوجھ فخر کے ساتھ اٹھاتی ہیں۔
یہ پیغام ان تمام خواتین کے نام ہے جو خاموشی اور مستقل مزاجی سے رکاوٹوں کو توڑ رہی ہیں اور آنے والی نسلوں کے لیے مشعلِ راہ بن رہی ہیں۔