جنیوا: اقوام متحدہ میں پاکستان کے مستقل مشن نے ‘مسلم امریکن لیڈرشپ الائنس’ (MALA) کے اشتراک سے خواتین کے عالمی کمیشن کے 70 ویں سیشن (CSW-70) کے موقع پر ایک خصوصی تقریب کا انعقاد کیا۔
اس تقریب کا موضوع “پاکستان میں خواتین کی بااختیاری: انصاف اور مساوات کے فروغ میں تعلیم اور مائیکرو فنانس کا کردار” تھا۔
اقوام متحدہ کے ہیڈ کوارٹر میں منعقدہ اس تقریب میں سفارت کاروں، ماہرین تعلیم، سول سوسائٹی کے نمائندوں اور قانون سازوں نے شرکت کی۔ مقررین نے اس بات پر زور دیا کہ:تعلیم کو کبھی بھی تنازعات یا سیاسی تنازعات کی بھینٹ نہیں چڑھنا چاہیے۔
خواتین کو تعلیم اور معاشی مواقع فراہم کرنا کسی بھی معاشرے کی جامع اور پائیدار ترقی کے لیے بہترین سرمایہ کاری ہے۔
بحث میں پاکستان کے مستقل مندوب سفیر عاصم افتخار احمد، سینیٹ کی قائمہ کمیٹی برائے وفاقی تعلیم کی چیئرپرسن سینیٹر بشریٰ انجم بٹ، وزارت
انسانی حقوق کے سیکرٹری عبدالخالق شیخ اور دیگر ماہرین نے حصہ لیا۔
شرکاء نے پاکستان میں خواتین کو مالی طور پر خودمختار بنانے کے لیے مائیکرو فنانسنگ کے کامیاب ماڈلز پر بھی روشنی ڈالی۔ تقریب کی نظامت صائمہ سلیم نے کی۔