نیویارک: دنیا کے سب سے بڑے پرائیڈ مارچ کے منتظمین نے سال 2026 کے لیے ‘گرینڈ مارشلز’ (Grand Marshals) کے ناموں کا اعلان کر دیا ہے۔ اس بار مارچ کی قیادت شوبز، وکالت اور عوامی خدمات سے وابستہ پانچ ممتاز شخصیات کریں گی۔
اس سال مارچ کی سربراہی کرنے والوں میں جن شخصیات کو شامل کیا گیا ہے ان میں مشہور کامیڈی شو ‘سیچرڈے نائٹ لائیو’ (SNL) کے اسٹار بون یانگ (Bowen Yang)، رو پال ڈریگ ریس’ کی معروف مدمقابل پیپرمنٹ (Peppermint)، ڈرامہ سیریل ‘پوز’ (POSE) کی مایہ ناز اداکارہ
ڈومینک جیکسن (Dominique Jackson)، سماجی حقوق اور اسلحہ کے خلاف مہم چلانے والا گروپ گنیز اگینسٹ گنز (Gays Against Guns)
نیویارک میٹرو (MTA) کی جانی پہچانی آواز برنی ویگن بلاسٹ (Bernie Wagenblast) شامل ہیں۔
ایم ٹی اے کی آواز کے طور پر مشہور برنی ویگن بلاسٹ، جنہوں نے 60 کی دہائی میں اپنی صنفی شناخت (Gender Transition) کو عام کیا، نے کہا کہ ان کی آواز نیویارک والوں کی روزمرہ زندگی کا حصہ ہے۔ ان کا کہنا تھا کہ “میری موجودگی اس بات کی یاد دہانی ہے کہ ٹرانس جینڈر افراد عام زندگی کا حصہ ہیں، اور میں امید کرتی ہوں کہ اس سے دوسروں کو اپنی اصلیت کے ساتھ جینے کا حوصلہ ملے گا۔”
نیویارک پرائیڈ مارچ کا آغاز 28 جون کو دوپہر 12 بجے ففتھ ایونیو اور 26 ویں اسٹریٹ سے ہوگا۔ یہ روایت 1969 کے ‘اسٹون وال فسادات’ (Stonewall Riots) کی یاد میں منائی جاتی ہے، جس میں لاکھوں افراد رنگ برنگے لباس اور فلوٹس کے ساتھ شرکت کرتے ہیں۔




