نیویارک: شہر میں ایک مشکوک آلہ ملنے کے بعد ہفتے کے روز ہونے والی روایتی ‘سینٹ پیٹرک ڈے پریڈ’ کو منسوخ کر دیا گیا۔
پولیس حکام کے مطابق، دوپہر تقریباً 12:15 بجے پریڈ کے راستے کے قریب ایک مشکوک پیکج پایا گیا۔ اطلاع ملتے ہی پولیس نے فوری طور پر علاقے کو خالی کروا لیا۔ میئر کے مطابق، ایک شہری نے پیکج دیکھ کر پولیس کو بروقت اطلاع دی تھی۔
احتیاطی تدابیر کے طور پر انتظامیہ نے پریڈ شروع ہونے سے محض 45 منٹ پہلے اسے منسوخ کرنے کا فیصلہ کیا۔ پولیس نے ابھی تک یہ واضح نہیں کیا کہ مشکوک چیز کہاں سے ملی اور آیا اس میں بارودی مواد موجود تھا یا نہیں۔