نیویارک (ویب ڈیسک): نیویارک سٹی کے لاکھوں طلبہ اس جمعہ سے تین روزہ طویل اختتامِ ہفتہ (Long Weekend) سے لطف اندوز ہو سکیں گے۔ محکمہ تعلیم کے مطابق، 20 مارچ بروز جمعہ کو عید الفطر کے مذہبی تہوار کے احترام میں شہر کے تمام سرکاری اسکول بند رہیں گے۔
کئی طلبہ کے لیے یہ چھٹیاں جمعرات سے ہی شروع ہو جائیں گی کیونکہ جمعرات کو ہائی اسکولوں اور K-12 اسکولوں میں ‘پیرنٹ ٹیچر کانفرنسز’ کی وجہ سے طلبہ کو مقررہ وقت سے تین گھنٹے پہلے چھٹی دے دی جائے گی۔
دوسرے دن جمعہ 20 مارچ کو تمام اسکول مکمل طور پر بند رہیں گے۔
عید کی اس چھٹی کے بعد اگلا بڑا وقفہ 2 اپریل سے شروع ہوگا، جب اسکول موسمِ بہار کی تعطیلات کے لیے بند ہوں گے۔
نیویارک سٹی انتظامیہ کی جانب سے عید کے موقع پر اسکولوں کی بندش کا مقصد مسلم کمیونٹی کے ساتھ اظہارِ یکجہتی اور طلبہ کو اپنے خاندانوں کے ساتھ خوشیاں منانے کا موقع فراہم کرنا ہے۔