نیویارک (ویب ڈیسک): ٹیکنالوجی کی دنیا کی بڑی کمپنی ‘میٹا’ نے فیس بک اور انسٹاگرام پر صارفین کے خریداری کے تجربے کو بدلنے کے لیے مصنوعی ذہانت (AI) کے استعمال کا اعلان کیا ہے۔ شاپ ٹاک 2026 کانفرنس میں میٹا نے بتایا کہ اب صارفین کو کسی پروڈکٹ کے سینکڑوں ریویوز (Reviews) پڑھنے کی ضرورت نہیں پڑے گی۔
ایمیزون کی طرز پر میٹا کا AI اب کسی بھی پروڈکٹ کے بارے میں لوگوں کی رائے کا ایک مختصر خلاصہ اور اہم نکات پیش کرے گا، جس سے خریداروں کا وقت بچے گا۔
فوری خریداری (One-Tap Checkout): پے پال (PayPal) اور اسٹرائپ (Stripe) کے اشتراک سے میٹا نے ‘ون ٹیپ چیک آؤٹ’ کا آغاز کیا ہے، جس کی مدد سے صارف ایپ سے باہر نکلے بغیر ایک کلک پر خریداری مکمل کر سکے گا۔
فیس بک اور انسٹاگرام کے کانٹینٹ کریئیٹرز کے لیے ایمیزون، ای بے (eBay) اور ٹیمو (Temu) جیسے بڑے برانڈز کے ساتھ مل کر کام کرنے اور کمیشن کمانے کے نئے مواقع فراہم کیے جا رہے ہیں۔
میٹا کا یہ اقدام ٹک ٹاک (TikTok) کے بڑھتے ہوئے مقابلے کا جواب ہے، جس کا مقصد سوشل میڈیا ایپس کو ایک مکمل ڈیجیٹل مارکیٹ میں تبدیل کرنا ہے۔