لاہور: تعلیم کے شعبے میں بہترین کارکردگی دنیا کے ذہین ترین ذہنوں کو بااختیار بنانے اور اختراع کاروں کی اگلی نسل کو ترغیب دینے کا سلسلہ جاری رکھے ہوئے ہے۔
اسی تسلسل میں پاکستان کے لیے ایک اور بڑی خوشخبری سامنے آئی ہے جہاں لاہور کی ہونہار طالبہ جینا علی نے ہارورڈ یونیورسٹی میں منعقدہ انٹرنیشنل ریسرچ اولمپیاڈ (IRO) میں دنیا بھر میں پہلی پوزیشن حاصل کر لی ہے۔
جینا علی نے اس عالمی مقابلے میں 89 ممالک سے آئے ہزاروں طلبہ کے خلاف مقابلہ کیا اور اپنی غیر معمولی صلاحیتوں کا لوہا منواتے ہوئے یہ شاندار کامیابی اپنے نام کی۔ جینا کی یہ شاندار کامیابی عالمی معیار کی تعلیم، تحقیق اور جدت کے گہرے اثرات کے ساتھ ساتھ پاکستان کے نوجوانوں کی بے پناہ صلاحیتوں کی عکاسی کرتی ہے۔
اس تاریخی کامیابی پر امریکی سفارتی خانے یا انتظامیہ کی جانب سے فخر کا اظہار کرتے ہوئے کہا گیا ہے کہ امریکہ ایسے مواقع فراہم کرنے پر فخر محسوس کرتا ہے جو باصلاحیت طلبہ کو عالمی چیلنجز حل کرنے، بین الاقوامی شراکت داری کو مضبوط بنانے اور ایک زیادہ خوشحال مستقبل کی تعمیر کے لیے اکٹھا کرتے ہیں۔