فلیڈلفیا: مشہور برطانوی گلوکار ایڈ شیرن (Ed Sheeran) نے فلیڈلفیا کے لنکن فنانشل فیلڈ اسٹیڈیم میں اپنے سولو کنسرت کا آغاز کرتے ہوئے اپنے میوزک ٹور کے اوپننگ آرٹسٹ مکلیک مور (Macklemore) کو ٹور سے ہٹائے جانے کے تنازع اور غزہ کی موجودہ صورتحال پر کھل کر بات کی ہے۔
کنسرت کی شروعات میں شائقین سے خطاب کرتے ہوئے ایڈ شیرن نے کہا:
“میں نے اپنے کیریئر میں ہمیشہ کوشش کی کہ سیاسی تبصرہ نگار نہ بنوں کیونکہ میں چاہتا ہوں کہ میری موسیقی اور شو اتحاد، انسانیت اور یکجہتی کا پیغام دیں نہ کہ تقسیم کا۔ لیکن غزہ کی صورتحال ایک انسانی مسئلہ ہے اور میں اس پر اپنے جذبات مزید نہیں چھپا سکتا۔”
ایڈ شیرن نے غزہ کی صورتحال کو “تباہ کن، ناقابلِ دفاع اور حد سے زیادہ شدید” قرار دیتے ہوئے کہا کہ خطے میں بڑے پیمانے پر ہونے والی تباہی سے ان کا دل دکھی ہے۔ انہوں نے 7 اکتوبر 2023 کو حماس کے اسرائیل پر حملے کو بھی “خوفناک” قرار دیا۔
رابراٹ کرافٹ اور الٹی میٹم: مکلیک مور نے سوشل میڈیا پر انکشاف کیا تھا کہ ‘جیلیٹ اسٹیڈیم’ کے مالک رابرٹ کرافٹ (Robert Kraft) نے فلپائن و فلسطین کی حمایت میں دیے گئے بیانات کے بعد ایڈ شیرن کو الٹی میٹم دیا تھا کہ اگر مکلیک مور ٹور پر رہے تو انہیں کئی بڑے اسٹیڈیمز میں پرفارم کرنے کی اجازت نہیں دی جائے گی۔
اس فیصلے کے بعد ایڈ شیرن کے ‘لوپ ٹور’ (Loop Tour) کے دیگر حمایتی آرٹسٹس نے مکلیک مور کے ساتھ اظہارِ یکجہتی کرتے ہوئے ٹور چھوڑ دیا، جس کے باعث ٹور کی ٹکٹوں کی قیمتیں گر گئیں اور متعدد شائقین نے ریفنڈ کا مطالبہ کیا۔
کرافٹ گروپ کے مالک رابرٹ کرافٹ نے تصدیق کی کہ ایڈ شیرن نے ان سے متاثرہ خطے کے لیے 2 ملین ڈالر کی امدادی رقم میچ (تبرع) کرنے کی درخواست کی ہے۔
ایڈ شیرن نے کنسرت کے اختتام پر کہا کہ وہ اس پیچیدہ صورتحال کو بہتر طور پر سمجھنے کے لیے ہر مکتبہ فکر کے لوگوں سے بات کریں گے تاکہ فلسطینیوں کی حقیقی امداد ممکن ہو سکے۔ انہوں نے مشکل حالات کے باوجود شو میں شرکت کرنے پر مداحوں کا شکریہ ادا کیا۔