نیویارک (ویب ڈیسک): نیویارک سٹی میں رہائش کے بڑھتے ہوئے اخراجات اور مہنگائی کے دور میں سستے گھر کی تلاش کرنے والے شہریوں کے لیے ایک بڑی خوشخبری سامنے آئی ہے۔
بروکلین کے علاقے براؤنز وِل (Brownsville) میں واقع ایک معروف ہاؤسنگ کوآپریٹو نے انتہائی کم اور رعایتی قیمتوں پر اپارٹمنٹس کی فروخت کا اعلان کیا ہے، جہاں ابتدائی قیمت محض 7.5 ہزار ڈالرز ($7.5K) سے شروع ہو رہی ہے۔
یہ رہائشی یونٹس “ارل ڈبلیو جیمرسن کوآپریٹو اپارٹمنٹس” (Earl W. Jimerson Cooperative Apartments) کا حصہ ہیں، جو 1407 لنڈن بلیوارڈ (1407 Linden Boulevard) پر واقع ہیں۔ یہ پروجیکٹ نیویارک میں متوسط اور کم آمدنی والے خاندانوں کو اپنا ذاتی گھر فراہم کرنے کے سلسلے کی ایک اہم کڑی ہے۔
رعایتی اور سستی قیمت کے باوجود ان اپارٹمنٹس میں شہریوں کو تمام ضروری اور جدید ترین رہائشی سہولیات فراہم کی جا رہی ہیں، جن میں شامل ہیں
خوبصورت اور سرسبز باغات (Landscaped Gardens)
بچوں کے لیے محفوظ اور چاروں طرف سے بند پلے گراؤنڈز (Enclosed Playgrounds)
گاڑیوں کی حفاظت کے لیے انڈر گراؤنڈ پارکنگ گیراج (Underground Parking)
کھلی ہوا اور بہترین ویو کے لیے اپارٹمنٹس کے ساتھ خوبصورت ٹیرس (Terraces) کی سہولت
انتظامیہ کے مطابق ان اپارٹمنٹس کے لیے اہل شہری آن لائن اور آف لائن دونوں طریقوں سے اپلائی کر سکتے ہیں۔ خواہش مند افراد آفیشل پورٹل پر جا کر آن لائن فارم https://my.ny.gov/LoginV4/login.xhtmlجمع کروا سکتے ہیں۔
وہ افراد جو کاغذی درخواست (Paper Application) حاصل کرنا چاہتے ہیں، وہ فون نمبر 1055-498 (718) پر رابطہ کر کے یا پھر آفیشل ای میل ایڈریس ewjadmin@summitbmi.com پر میل بھیج کر فارم کی درخواست کر سکتے ہیں۔ یہ اپارٹمنٹس محدود تعداد میں دستیاب ہیں، اس لیے شہریوں کو جلد از جلد اپلائی کرنے کی ہدایت کی گئی ہے۔