بفیلو: بفیلو بلز (Buffalo Bills) نے اپنے نئے جدید اسٹیڈیم ‘ہائی مارک اسٹیڈیم’ (Highmark Stadium) کے باقاعدہ سیزن کے پہلے میچ میں ڈیٹروئٹ لائنز کے خلاف 31-41 سے زبردست فتح حاصل کر کے یادگار آغاز کیا ہے۔ روکی کوچ جو بریڈی کی زیرِ ہدایت ٹیم نے شائقین کے زبردست جوش و خروش کے درمیان بہترین کھیل کا مظاہرہ کیا۔
فتح کے ساتھ بفیلو بلز کسی بھی ٹیم کی جانب سے نئے اسٹیڈیم ڈبیو میں سب سے زیادہ پوائنٹس بنانے والی تیسری تاریخ ساز ٹیم بن گئی ہے۔ بفیلو بلز سے قبل ڈلاس (1971 میں 44 پوائنٹس) اور میامی (1987 میں 42 پوائنٹس) اپنے اسٹیڈیم ڈیبیو میں اس سے زیادہ اسکور بنا چکے ہیں.
جوش ایلن کی شاندار کارکردگی: بلز کے اسٹار کوارٹر بیک جوش ایلن نے میچ کے دوران مجموعی طور پر 5 ٹچ ڈاؤنز حاصل کیے، جس میں میچ کے چھٹے منٹ میں 1-یارڈ رن کے ذریعے پہلا ٹچ ڈاؤن بھی شامل تھا۔
افتتاحی تقریب کے موقع پر امریکہ اور کینیڈا دونوں ممالک کے قومی ترانے گائے گئے۔ کینیڈین میوزیکل گروپ ‘بیر نیکیڈ لیڈیز’ نے “او کینیڈا” جبکہ ہاوائی کی گلوکارہ اولی کراولہو نے امریکی قومی ترانہ پیش کیا۔ ہاف ٹائم پر مشہور پاپ گروپ ‘ون ریپبلک’ نے لائیو پرفارمنس دی۔
60,000 سے زائد شائقین کی گنجائش والا یہ نیا اسٹیڈیم پرانے اسٹیڈیم کی جگہ تعمیر کیا گیا ہے۔ اسٹیڈیم میں ایک خصوصی کینوپی (چھت کا سائبان) لگایا گیا ہے جو شائقین کے شور کا رخ براہِ راست گراؤنڈ کی طرف موڑتا ہے تاکہ میچ کا ماحول مزید پرجوش ہو سکے۔
اگرچہ گراؤنڈ میں نئی گھاس کی تبدیلی کی وجہ سے کچھ معمولی مسائل دیکھے گئے تاہم کھلاڑیوں نے اسٹیڈیم کے معیار اور مداحوں کی جانب سے ملنے والے زبردست استقبال کو سراہا۔