نیویارک: نیویارک سٹی ہاؤسنگ کنیکٹ نے ایک نئی ہاؤسنگ لاٹری کا آغاز کیا ہے، جس کے تحت شہریوں کو انتہائی کم قیمت پر اپارٹمنٹس خریدنے کا موقع فراہم کیا جا رہا ہے۔ اس پروجیکٹ کے تحت گھروں کی قیمت محض 14,818 ڈالر سے شروع ہو رہی ہے۔
یہ اپارٹمنٹس کوئینز (Queens) کے علاقے میں ‘مچل لاما آروین لمیٹڈ پرافٹ ہاؤسنگ کارپوریشن’ میں واقع ہیں۔ عمارت کا پتہ 3-53 بیچ 57تھ اسٹریٹ ہے۔
حکام کے مطابق مختلف زمروں کے لیے درخواست گزاروں کی ایک مخصوص تعداد کو قرعہ اندازی کے ذریعے منتخب کیا جائے گا:
ون بیڈروم اپارٹمنٹ: 300 درخواست گزار منتخب کیے جائیں گے۔
ٹو بیڈروم اپارٹمنٹ: 300 درخواست گزار منتخب کیے جائیں گے۔
تھری بیڈروم اپارٹمنٹ: 200 درخواست گزار منتخب کیے جائیں گے۔
درخواست جمع کروانے کی آخری تاریخ 16 مارچ ہے
درخواست فیس 75 ڈالرمقرر کی گئی ہے جو ناقابل واپسی ہوگی۔
خواہش مند افراد ‘نیویارک سٹی ہاؤسنگ کنیکٹ’ کی ویب سائٹ پر آن لائن اپلائی کر سکتے ہیں۔
