نیویارک: اگر آپ دانتوں کا معائنہ کروانا چاہتے ہیں لیکن آپ کے پاس انشورنس نہیں ہے، تو کوئینز کا پلازہ کالج (Plaza College) آپ کے لیے بہترین موقع فراہم کر رہا ہے۔ فاریسٹ ہلز، کوئینز میں واقع ‘پلازہ کالج کمیونٹی ڈینٹل کلینک’ عوام کو دانتوں کی صفائی اور دیگر سہولیات بالکل مفت فراہم کر رہا ہے۔
کالج کی ڈین آف انرولمنٹ مینجمنٹ، ڈاکٹر کیرولین ایم کلاہن کے مطابق، یہ کلینک کالج کے منظور شدہ ‘ڈینٹل ہائیجین پروگرام’ کے طلبہ کے لیے ایک تربیتی مرکز کے طور پر کام کرتا ہے۔ یہاں تمام علاج تجربہ کار ڈینٹل ہائیجینسٹ اور ڈاکٹروں کی براہ راست نگرانی میں کیے جاتے ہیں۔
مفت سہولیات میں کیا شامل ہے؟
اس پروگرام کے تحت
دانتوں کی مکمل صفائی اور پالشنگ
ایکس رے (X-rays)
مسوڑھوں کا معائنہ (Gum Assessment)
منہ کے کینسر کی اسکریننگ
فلورائیڈ ٹریٹمنٹ (Fluoride treatment)
دانتوں کی دیکھ بھال کا تحفہ (Goodie bag)
بالغوں کے لیے کم لاگت کلینک کے علاوہ، پلازہ کالج ہفتہ، 28 فروری کو “Give Kids a Smile” کے نام سے ایک خصوصی ایونٹ منعقد کر رہا ہے۔ اس دن صبح 8 بجے سے شام 5 بجے تک 17 سال سے کم عمر بچوں کو دانتوں کی مفت سہولیات فراہم کی جائیں گی۔
پلازہ کالج کمیونٹی ڈینٹل کلینک:
118-35 Queens Blvd, 3rd Floor, Queens.
یہ کلینک ہفتے کے زیادہ تر دن کھلا رہتا ہے۔
