ہڈسن یارڈز کے قریب سستے اپارٹمنٹس کے لیے ہاؤسنگ لاٹری کی ویٹ لسٹ دوبارہ کھل گئی

نیو یارک(ویب ڈیسک): نیو یارک سٹی میں ہڈسن یارڈز کے قریب واقع ایک رہائشی عمارت میں سستے کرائے کے اپارٹمنٹس کے لیے ہاؤسنگ لاٹری کی ویٹ لسٹ دوبارہ کھول دی گئی ہے، جہاں کرایہ ماہانہ 1,038 ڈالر سے شروع ہو رہا ہے۔

یہ اپارٹمنٹس ایبنگٹن ہاؤس (Abington House) میں واقع ہیں، جس کا پتہ 500 ویسٹ 30ویں اسٹریٹ ہے۔ اس منصوبے کے تحت اسٹوڈیو اور ایک بیڈروم اپارٹمنٹس دستیاب ہیں۔ عمارت میں باسکٹ بال کورٹ، فٹنس سینٹر، ہر اپارٹمنٹ میں لانڈری کی سہولت اور روف ٹاپ لاؤنج جیسی سہولیات موجود ہیں۔

درخواست دہندگان کے لیے خوشخبری یہ ہے کہ نہ کوئی اپلیکیشن فیس ہے اور نہ ہی بروکر فیس۔ کرائے میں ہیٹنگ، گرم پانی اور گیس کے اخراجات بھی شامل ہیں۔

نیو یارک اسٹیٹ ہومز اینڈ کمیونٹی رینیول کے مطابق اس منصوبے میں 26 اسٹوڈیو اور 33 ایک بیڈروم اپارٹمنٹس دستیاب ہیں۔

اسٹوڈیو اپارٹمنٹ کا ماہانہ کرایہ 1,038 ڈالر ہے۔
اہل افراد میں:

ایک فرد جس کی سالانہ آمدن 38,880 سے 45,360 ڈالر کے درمیان ہو

دو افراد پر مشتمل گھرانہ جس کی مشترکہ آمدن 36,778 سے 52,840 ڈالر ہو

ایک بیڈروم اپارٹمنٹ کا کرایہ 1,106 ڈالر ماہانہ مقرر کیا گیا ہے۔
اہلیت کی تفصیل:

ایک فرد: سالانہ آمدن 39,405 سے 45,360 ڈالر

دو افراد: 39,405 سے 51,840 ڈالر

تین افراد: 39,405 سے 58,320 ڈالر

درخواستیں جمع کرانے کی آخری تاریخ 2 فروری ہے۔

درخواستیں آن لائن جمع کروائی جا سکتی ہیں، جبکہ دلچسپی رکھنے والے افراد ای میل یا فون کے ذریعے بھی درخواست حاصل کر سکتے ہیں۔

یہ موقع نیو یارک سٹی میں کم آمدن والے افراد اور خاندانوں کے لیے معیاری رہائش حاصل کرنے کا ایک اہم ذریعہ ہے۔