بلاوایو(ویب ڈیسک): آئی سی سی مینز انڈر 19 ورلڈ کپ کے لیے اپنی تیاریوں کا لوہا منواتے ہوئے پاکستان نے وارم اپ میچ میں امریکہ کو باآسانی 69 رنز سے ہرا دیا۔ بلاوایو ایتھلیٹک کلب میں کھیلے گئے اس مقابلے میں قومی نوجوان ٹیم نے کھیل کے تمام شعبوں میں برتری برقرار رکھی۔
پاکستان کی بیٹنگ لائن کی کارکردگی ٹاس جیت کر پہلے بیٹنگ کرتے ہوئے پاکستانی ٹیم نے مقررہ 50 اوورز میں 8 وکٹوں کے نقصان پر 294 رنز کا مجموعہ ترتیب دیا۔
ٹیم کی جانب سے سمیر منہاس سب سے نمایاں رہے جنہوں نے 74 رنز کی پراعتماد اننگز کھیلی۔ ان کے علاوہ علی حسن بلوچ نے 36 رنز بنا کر اسکور کو آگے بڑھایا، جبکہ احمد حسین 43 رنز پر ریٹائرڈ ہرٹ ہو کر گراؤنڈ سے باہر چلے گئے۔
امریکی ٹیم کی مزاحمت اور پاکستان کی بولنگ 295 رنز کے بڑے ہدف کے تعاقب میں امریکہ کی انڈر 19 ٹیم مشکلات کا شکار رہی اور 44 ویں اوور میں 225 رنز بنا کر آؤٹ ہو گئی۔ امریکہ کی جانب سے سہیل گارگ نے 75 رنز کی مزاحمتی اننگز کھیلی لیکن وہ اپنی ٹیم کو شکست سے نہ بچا سکے۔
پاکستان کی جانب سے بولنگ لائن میں مومن قمر اور عبدالسبحان نے تباہ کن بولنگ کا مظاہرہ کیا اور تین تین کھلاڑیوں کو پویلین کی راہ دکھا کر فتح یقینی بنائی۔
