نئی دہلی(ویب ڈیسک): بھارت میں قائم امریکی سفارتخانے نے امریکا میں تعلیم حاصل کرنے والے بھارتی طلبہ کو خبردار کیا ہے کہ امریکی قوانین کی خلاف ورزی ان کے اسٹوڈنٹ ویزا کے لیے سنگین مسائل پیدا کر سکتی ہے۔
سماجی رابطے کی ویب سائٹ ایکس پر جاری بیان میں سفارتخانے نے واضح کیا کہ اگر کوئی طالب علم گرفتار ہوا یا کسی بھی قسم کے قانون کی خلاف ورزی میں ملوث پایا گیا تو اس کا ویزا منسوخ کیا جا سکتا ہے۔ اس کے ساتھ ساتھ ملک بدری اور آئندہ امریکی ویزا حاصل کرنے پر پابندی کا سامنا بھی کرنا پڑ سکتا ہے۔
Breaking U.S. laws can have serious consequences for your student visa. If you are arrested or violate any laws, your visa may be revoked, you may be deported, and you could be ineligible for future U.S. visas. Follow the rules and don’t jeopardize your travel. A U.S. visa is a… pic.twitter.com/A3qyoo6fuD
— U.S. Embassy India (@USAndIndia) January 7, 2026
امریکی سفارتخانے نے طلبہ کو قوانین کی مکمل پابندی کرنے کی ہدایت دیتے ہوئے کہا کہ اپنی تعلیمی اور سفری سرگرمیوں کو خطرے میں نہ ڈالیں۔ بیان میں یہ بھی کہا گیا کہ امریکی ویزا کوئی حق نہیں بلکہ ایک استحقاق ہے۔
