نیو یارک میں قونصل جنرل عامر اتوزئی کی ایئر کوالٹی ایشیا کی صدر سے ماحولیاتی تعاون پر ملاقات

نیویارک: نیویارک میں پاکستان کے قونصل جنرل، جناب عامر احمد اتوزئی نے آج قونصل خانے میں محترمہ شازیہ رفیع، صدر اور کنوینر آف سسٹین ایبل ورلڈ، ایئر کوالٹی ایشیا، کا استقبال کیا۔

ملاقات کا مرکزی نقطہ مشترکہ اقدامات کو فروغ دینا تھا جس کا مقصد پاکستان کے ایئر کوالٹی انڈیکس کو بہتر بنانا اور بگڑتی ہوئی فضائی صورتحال سے پیدا ہونے والے بڑھتے ہوئے چیلنجوں سے نمٹنا تھا۔

محترمہ رفیع نے قونصل جنرل کو اپنی تنظیم کے وژن اور پاکستان میں ناقص فضائی معیار کے ماحولیاتی، صحت اور اقتصادی اثرات کو کم کرنے کے لیے جاری منصوبوں کے بارے میں بریفنگ دی۔

جناب اتوزئی نے تنظیم کی کوششوں کو سراہا اور ان شراکت داریوں کے لیے قونصل خانے کی حمایت کا اعادہ کیا جو پاکستان کی ماحولیاتی پائیداری اور موسمیاتی لچک میں اپنا حصہ ڈالیں۔