پاکستان کرکٹ بورڈ (پی سی بی) نے قومی کرکٹ ٹیم کے ٹیسٹ اور ون ڈے کپتان کی تبدیلی کی خبریں بے بنیاد قرار دیدیا۔
ترجمان پی سی بی کے مطابق محمد رضوان کی جگہ سلمان آغا کو کپتان بنانے کی خبروں میں صداقت نہیں، شان مسعود کی جگہ سعود شکیل کو ٹیسٹ کپتان بنانے کی خبر بھی بے بنیاد ہے۔
ترجمان کے مطابق قومی کرکٹ ٹیم کے ٹیسٹ اور ون ڈے کپتان کی تبدیلی کا معاملہ سلیکشن کمیٹی میں بھی زیر غور نہیں آیا، نہ کسی پلئیرکے کنٹریکٹ کی کیٹیگری تبدیل کی گئی۔
