15 ستمبر، بمقام نیویارک سٹی
نیویارک شہر کے میئر زوہران مامدانی (Zohran Kwame Mamdani) نے شہر میں ٹریفک حادثات، اموات اور شدید زخمی ہونے کے واقعات کو صفر پر لانے کے لیے ‘ویژن زیرو ری امیجنڈ’ (Vision Zero Reimagined) کے نام سے ایک جامع اور جدید 10 سالہ ایکشن پلان کی رونمائی کر دی ہے۔
اس ہمہ گیر منصوبے میں نیویارک کے 19 مختلف سرکاری ادارے، میئر کے دفاتر اور شراکت دار شامل ہیں، جو سڑکوں کو پیدل چلنے والوں کے لیے محفوظ بنانے اور ٹریفک قوانین کی سنگین خلاف ورزی کرنے والوں کے خلاف 100 سے زائد نئ پالیسیاں نافذ کریں گے۔
میئر مامدانی کے مطابق نیویارک شہر کا کوئی بھی شہری حادثے کا شکار نہیں ہونا چاہیے اور اس مقصد کے لیے درج ذیل 8 اسٹریٹجک اہداف قائم کیے گئے ہیں:
صرف چند بے لاپروا ڈرائیور 37 فیصد ٹریفک اموات کے ذمہ دار ہیں۔ سالانہ 16 سے زیادہ اسپیڈ کیمرہ کی خلاف ورزی کرنے والی گاڑیوں پر سخت کارروائی ہوگی۔
بار بار حدِ رفتار توڑنے والوں کی گاڑیوں میں اسپیڈ لمٹرز (Speed Limiters) لگانے کے لیے ریاستی قوانین کے تحت کارروائی کی جائے گی۔
ڈیلیوری ورکرز کے لیے ای بائیکس اور ای اسکوٹرز کو محفوظ بنانا اور غیر تصدیق شدہ یا غیر قانونی آلات کا خاتمہ۔ delivery ایپس کو سیفٹی کا ذمہ دار ٹھہرایا جائے گا۔
پبلک ٹرانسپورٹ، بس سسٹم، پیدل چلنے اور سائیکلنگ کے نیٹ ورک کو زیادہ سستا اور محفوظ بنایا جائے گا تاکہ نجی کاروں پر انحصار کم ہو۔
بڑی گاڑیوں اور ٹرکوں کے لیے زیادہ سخت سیفٹی اسٹینڈرڈز نافذ کرنا اور مال برداری کو زیادہ تر کارگو بائیکس اور ریل کے ذریعے منتقل کرنا۔
سالانہ کم از کم 1,000 چوراہوں (Intersections) پر ہارڈرن ڈے لائٹنگ (Hardened Daylighting) اور سیفٹی اقدامات۔
سیمی کا قانون (Sammy’s Law): حدِ رفتار کو کم کر کے 20 میل فی گھنٹہ تک لانے کے دائرہ کار میں توسیع۔
نمبر پلیٹ کی دھوکہ دہی (Ghost Plates) کا خاتمہ اور اسکولوں میں ویژن زیرو کو نصاب کا حصہ بنانا۔
تمام حادثات کا ڈیٹا اکٹھا کرنے کے لیے ایک واحد ‘ڈیٹا ویئر ہاؤس’ قائم کرنا تاکہ زیادہ خطرے والے علاقوں پر فوری توجہ دی جا سکے۔
نیویارک شہر کی اپنی تمام سرکاری اور کنٹریکٹ شدہ گاڑیوں میں آٹومیٹک بریکنگ اور انٹیلی جنس اسپیڈ اسسٹنس ٹیکنالوجی نصب کی جائے گی۔
اس ماسٹر پلان کا خیرمقدم کرتے ہوئے نیویارک کے متعدد حکام اور سماجی رہنماؤں نے اسے ایک انقلابی قدم قرار دیا:
NYC DOT کمشنر مائیک فلن (Mike Flynn) نے بتایا کہ 2014 میں ویژن زیرو کے آغاز سے اب تک ٹریفک اموات میں 30 فیصد کمی آئی ہے، اور یہ نیا منصوبہ اس پیشرفت کو مزید آگے بڑھائے گا۔
فیملیز فار سیف اسٹریٹس: تنظیم کی بانی ممبر ایمی تم لیاؤ (Amy Tam-Liao) نے کہا کہ یہ قوانین معصوم بچوں اور شہریوں کی جانیں بچانے میں سنگِ میل ثابت ہوں گے۔
ٹرانسپورٹیشن الٹرنیٹیوز اور ٹیکسی ڈرائیورز یونین: دونوں تنظیموں نے میئر مامدانی کے اس ہمہ گیر اور جرات مندانہ منصوبے کا مکمل خیرمقدم کیا۔