نیویارک: نیویارک کی ریاستی حکومت نے اعلان کیا ہے کہ ریاست کے باشندے اب مسلسل ایک سال تک ہر اتوار کو 9/11 میموریل میوزیم (9/11 Memorial Museum) میں مفت داخلہ حاصل کر سکیں گے۔
اس سے قبل ‘نیویارک فرسٹ سنڈیز’ (New York First Sundays) پروگرام کے تحت شہریوں کو صرف ہر ماہ کے پہلے اتوار کو دوپہر کے وقت مفت داخلے کی سہولت میسر تھی۔ تاہم، اکتوبر سے شروع ہونے والی اس نئی توسیعی اسکیم کے بعد شہری پورے ایک سال کے لیے ہر اتوار کو مفت داخل ہو سکیں گے۔
گورنر کیتھی ہوچل (Gov. Kathy Hochul) کے مطابق اس پروگرام کی توسیع کے لیے 2.2 ملین ڈالر (22 لاکھ ڈالر) کا ریاستی فنڈ مختص کیا گیا ہے۔
گورنر کیتھی ہوچل نے کہا کہ اس پروگرام کا مقصد زیادہ سے زیادہ شہریوں کو میوزیم کی زیارت کا موقع فراہم کرنا ہے تاکہ وہ 11 ستمبر 2001 کے المناک واقعے کے قربانیوں کو خراجِ تحسین پیش کر سکیں اور اس تاریخی دن کی بہادری و اتحاد کی داستانوں کو آئندہ نسلوں کے لیے محفوظ رکھا جا سکے۔
نیویارک کے رہائشی اکتوبر سے شروع ہونے والے تمام اتواروں کو اس سہولت کا فائدہ اٹھا سکیں گے، جس کے لیے انہیں اپنی رہائش کا ثبوت پیش کرنا ہوگا۔