یکم ستمبر 2026: بروکلین
نیویارک: نیویارک شہر کے میئر زوہران ممدانی (Zohran Kwame Mamdani) اور محکمہ ٹرانسپورٹ (NYC DOT) کے کمشنر مائیک فلن (Mike Flynn) نے ڈاؤن ٹاؤن بروکلین میں ‘ایشر لینڈ پلیس’ (Ashland Place) پر ایک مسلسل اور محفوظ بائیک لین (Protected Bike Lane) کی باقاعدہ تکمیل کا اعلان کر دیا ہے۔
اس اخری بلاک کی تعمیر سے ‘سن سیٹ پارک’ (Sunset Park) سے ‘ڈمبو’ (DUMBO) اور برکلن و مینہیٹن برجز تک پھیلا ہوا 5.5 میل طویل محفوظ سائیکلنگ کوریڈور مکمل ہو گیا ہے۔
اس منصوبے کا آغاز 2022ء میں نیویارک کے شعبہ ٹرانسپورٹ کی جانب سے کیا گیا تھا، تاہم سابقہ انتظامیہ کی رکاوٹوں کے باعث آخری بلاک کی تعمیر کو روک دیا گیا تھا، جس کی وجہ سے یہ خطہ شہریوں اور کارکنوں میں “کریش لینڈ” (Crashland) کے نام سے بدنام ہو چکا تھا اور تین سال سے وہاں نصب ٹریفک سگنلز تھیلوں میں بند پڑے تھے۔
منصوبے کی افتتاح کے موقع پر میئر زوہران ممدانی نے کہا: “برسوں تک ‘کریش لینڈ’ ٹوٹی ہوئی روایات اور عوامی تحفظ کو نظر انداز کرنے کی علامت بنا رہا۔ آج ہم نے اس کام کو مکمل کر دیا ہے۔ ہمارا بنیادی مقصد ایک ایسا شہر بنانا ہے جو نیویارک کے شہریوں کے لیے محفوظ اور فعال ہو۔”
این وائی سی ڈی او ٹی کے کمشنر مائیک فلن نے کہا کہ یہ صرف ایک بلاک کی تعمیر نہیں بلکہ پورے بروکلین کے سائیکل سواروں کو مینہیٹن اور کوئنز سے جوڑنے والی ایک اہم کڑی ہے۔
اس منصوبے کے تحت نہ صرف سائیکل سواروں کے لیے الگ راستہ بنایا گیا ہے بلکہ پیادہ چلنے والے شہریوں کے لیے راستے کی مسافت کو کم اور ٹریفک کی رفتار کو کنٹرول کر کے تمام شہریوں کے لیے سڑکوں کو محفوظ بنایا گیا ہے۔ سٹریٹس پی اے سی (StreetsPAC)، ریجنل پلان ایسوسی ایشن اور اوپن پلانز سمیت متعدد مقامی تنظیموں نے اس پیش رفت کو سراہا ہے۔