طلاق اورعلیحدگی کی افواہوں پرعائزہ خان کا بالواسطہ ردعمل:سوشل میڈیاپرگردش کرنےوالی خبریں بےبنیادقرار

کراچی (ویب ڈیسک): پاکستان شوبز انڈسٹری کی معروف اور مقبول ترین اداکارہ عائزہ خان (Ayeza Khan) نے اپنے شوہر و اداکار دانش تیمور (Danish Taimoor) کے ساتھ ازدواجی زندگی میں دراڑ اور طلاق کی گردش کرنے والی افواہوں پر بالآخر بالواسطہ ردعمل دے دیا ہے، جس کے بعد ان کے مداحوں نے سکھ کا سانس لیا ہے۔

گذشتہ کچھ عرصے سے سوشل میڈیا پر عائزہ خان اور دانش تیمور کی مبینہ علیحدگی سے متعلق قیاس آرائیاں کی جا رہی تھیں۔ تاہم اداکارہ نے انسٹاگرام کے ایک فین پیج پر تبصرہ کرتے ہوئے ان خبروں کو من گھڑت اور بے بنیاد قرار دے کر افواہوں کا خاتمہ کر دیا ہے۔

عائزہ خان اور دانش تیمور کا شمار پاکستان کی سب سے زیادہ پسند کی جانے والی جوڑیوں میں ہوتا ہے۔ ان کی نجی زندگی کے بارے میں شکایات اور سوالات اس وقت شروع ہوئے جب:

عائزہ خان نے انسٹاگرام پر اپنے روایتی انداز کو تبدیل کرتے ہوئے ویسٹرن لُک میں تصاویر شیئر کرنا شروع کیں۔

دانش تیمور کے ڈرامے ‘ہمراہی’ کی سنیما پریمیئر تقریب میں عائزہ خان کی عدم شرکت پر مداحوں نے چگوئیاں شروع کیں۔

انسٹاگرام پر دانش تیمور کے ساتھ چند پرانی تصاویر کے حذف یا ایڈٹ ہونے پر بھی سوشل میڈیا صارفین نے علیحدگی کی قیاس آرائیاں کیں۔

واضح رہے کہ عائزہ خان اب فواد خان کے ساتھ ہدایت کار ندیم بیگ کی فلم کے ذریعے سنیما کی دنیا میں قدم رکھنے جا رہی ہیں۔

اگرچہ عائزہ کے اس ردعمل سے مداحوں کی تشویش دور ہو گئی ہے، تاہم کچھ صارفین اب بھی ان کے بدلے ہوئے سوشل میڈیا اسٹائل اور تصاویر کے ردوبدل پر تبصرے کر رہے ہیں۔