نیو جرسی: ایسوسی ایشن آف پاکستانی فزیشنز آف نارتھ امریکہ (APPNA) کی ینگ فزیشنز کمیٹی (YPC) نے سال 2026 کے لیے اپنے نئے تعلیمی اور فلاحی منصوبوں کا آغاز کر دیا ہے۔
مئی 2026 میں نیو جرسی میں منعقدہ “سپرنگ میٹنگ” کے دوران نوجوان ڈاکٹروں کے لیے خصوصی سیشنز کا انعقاد کیا گیا، جن میں امریکہ میں ریزیڈنسی کے حصول (Match)، پروگرام ڈائریکٹرز کے ساتھ ملاقات، اور ویزا و قانونی مسائل پر تفصیلی گفتگو کی گئی۔
YPC کی جانب سے ریزیڈنسی میچ کے عمل کو سمجھنے کے لیے “The Hidden Curriculum” اور “IMG Guide to Moving to USA” جیسے اہم ویبینارز کا شیڈول جاری کیا گیا ہے۔ اس کے علاوہ، حال ہی میں “SOAP” (سپلیمنٹل آفر اینڈ ایکسیپٹنس پروگرام) اور فیلوشپ ایپلی کیشنز کو بہتر بنانے کے حوالے سے بھی کامیاب سیشنز منعقد کیے گئے۔
ایک منفرد اقدام کے تحت، YPC نے پاکستانی امریکن سائیکاٹرک ایسوسی ایشن (PAPANA) کے تعاون سے پاکستان میں ذہنی صحت اور خودکشی کی روک تھام کے لیے “ہیلپ لائنز” کا ایک جامع نیٹ ورک تشکیل دیا ہے۔ اس مہم کا مقصد پاکستان میں موجود ذہنی دباؤ کے شکار افراد کو فوری اور مفت طبی و نفسیاتی امداد فراہم کرنا ہے۔ اس کے لیے “امنگ”، “روزن” اور “تسکین” جیسی تنظیموں کے ساتھ مل کر ایک تصدیق شدہ ڈائریکٹری بھی جاری کی گئی ہے۔