نیویارک: نیویارک سٹی کے میئر زہران ممدانی نے اس قانون کو ویٹو کر دیا ہے جس کے تحت تعلیمی اداروں کے بالکل سامنے ‘بفر زونز’ (Buffer Zones) بنا کر احتجاجی مظاہروں کو روکنے کی تجویز دی گئی تھی۔
اپنے بیان میں میئر ممدانی نے کہا کہ یہ اقدام اسکولوں، عجائب گھروں اور تدریسی ہسپتالوں کے سامنے مظاہرے کرنے کے بنیادی حق کو محدود کر دے گا، جس سے امیگریشن حکام (ICE) اور دیگر اہم مسائل کے خلاف ہونے والے احتجاج متاثر ہو سکتے ہیں۔
تاہم، میئر نے عبادت گاہوں کے سامنے احتجاج پر پابندی کے بل کو قانون بننے کی اجازت دے دی ہے، جسے وہ ایک جائز سکیورٹی مسئلہ قرار دیتے ہیں۔
میئر کا موقف ہے کہ تعلیمی اداروں کے سامنے احتجاج پر پابندی سے اظہارِ رائے کی آزادی متاثر ہوگی۔
