نیویارک: ٹینس کی دنیا کے عظیم کھلاڑی نوواک جوکووچ نے یو ایس اوپن کے سلسلے میں اپناٹریننگ سیشن قبل از وقت ختم کر دیا۔ 39 سالہ صربیئن اسٹار نیویارک میں زیزو برگس (Zizou Bergs) کے ساتھ مشق کر رہے تھے اور انہوں نے صرف تین گیمز کھیلنے کے بعد سیشن ختم کرنے کا فیصلہ کیا۔
نوواک جوکووچ اپنے کیریئر کے 25 ویں گرینڈ سلیم ٹائٹل کے تعاقب میں ہیں۔ عالمی نمبر ون جانک سِنر (Jannik Sinner) کی عدم موجودگی کے باعث وہ ٹورنامنٹ کے اہم ترین دعویداروں میں شمار کیے جا رہے ہیں۔ تاہم، سنسناٹی اوپن کی گرمی میں جلد ناکامی کے بعد فلشنگ میڈوز کی سخت گرمی اور حالات ان کے لیے بڑا چیلنج ثابت ہو سکتے ہیں۔
جوکووچ اپنے پہلے راؤنڈ کے میچ میں ارجنٹائن کے عالمی نمبر 48 ماریانو ناوونے (Mariano Navone) کا مقابلہ کریں گے۔ یہ میچ رات کے وقت شیڈول ہے جس سے وہ سخت دھوپ کی شدت سے بچ سکیں گے۔
پہلے راؤنڈ کی فتح کے بعد جوکووچ کا سامنا میٹیو بیریٹینی یا اسٹین واورینکا میں سے کسی ایک سے ہوگا۔ واورینکا کے کیریئر کا یہ آخری گرینڈ سلیم ٹورنامنٹ ہے۔
دفاعی چیمپئن کارلوس الکاراز کلائی کی چوٹ سے صحتیاب ہو کر کورٹ میں لوٹ رہے ہیں اور سیمی فائنل میں ان کا جوکووچ سے مقابلہ ممکن ہے۔
سابق ٹینس اسٹار روجر فیڈرر کا کہنا ہے کہ جب بھی جوکووچ کسی میجر ٹورنامنٹ میں اترتے ہیں تو ان کے پاس جیتنے کا بھرپور موقع ہوتا ہے۔
ٹینس شائقین کو امید ہے کہ جوکووچ گرمی اور فٹنس چیلنجز سے نبرد آزما ہو کر 2023 کے بعد ایک بار پھر نیویارک میں چیمپئن بننے کی صلاحیت رکھتے ہیں۔