بروکلین میں کیریبین ثقافت کےرنگ بکھرگئے:جونیئر کارنیول پریڈاورسٹیل پین مقابلے’نیویارک پینوراما’ کاشاندارآغاز

بروکلین میں رنگوں، موسیقی اور کیریبین ثقافت کے دلکش سحر پر مشتمل سالانہ جشن کا باقاعدہ آغاز ہو گیا ہے، جہاں ‘جونیئر کارنیول پریڈ’ (Junior Carnival Parade) اور ‘یوتھ فیسٹ’ میں بچوں اور نوجوانوں نے اپنی شاندار کارکردگی سے سماں باندھ دیا۔

یہ تقریب پیر کے روز ہونے والی مرکزی ‘ویسٹ انڈین امریکن ڈے پریڈ’ (West Indian American Day Parade) کا ابتدائی اور اہم حصہ ہے۔

ہفتے کی صبح 9:00 بجے سینٹ جونز پلیس اور کنگسٹن ایونیو سے شروع ہونے والی اس پریڈ میں نوجوان فنکار اور بچے مختلف کیریبین جزائر کی ثقافت کی عکاسی کرتے ہوئے خوبصورت اور رنگ برنگے لباس (Costumes) زیب تن کیے ایسٹرن پارک وے سے ہوتے ہوئے گرینڈ آرمی پلازہ اور بروکلم میوزیم تک پہنچے۔

منتظمین کے مطابق اس پریڈ کا مقصد نئی نسل کو کیریبین خطے کی روایت، موسیقی، رقص اور پینٹری سے روشناس کرانا ہے۔

راستے میں موجود اہلخانہ، دوستوں اور شہریوں نے بچوں کی حوصلہ افزائی کی اور جھنڈے لہرائے۔

پریڈ کے بروکلم میوزیم پہنچنے پر وہاں کھانوں کے اسٹالز، موسیقی اور خاندانی سرگرمیوں کا اہتمام کیا گیا۔

رات کے وقت، بروکلم میوزیم کے بیک یارڈ میں نیویارک کا مشہور سالانہ سٹیل پین میوزک مقابلہ “نیویارک پینوراما” (New York Panorama) منعقد ہوگا، جس میں نوجوان اور ماہر موسیقار اپنے فن کا مظاہرہ کریں گے۔

جونیئر کارنیول کی آرگنائزر ریا سمتھ (Rhea Smith) نے گفتگو کرتے ہوئے کہا:

“یہ محض کوئی لیٹ نائٹ پارٹی نہیں بلکہ کیریبین ثقافت کی فخر کے ساتھ پیشکش ہے۔ اپنے جھنڈے لائیں اور پورے جوش و خروش کے ساتھ اس تعلیمی اور ثقافتی جشن کا حصہ بنیں۔”