نیویارک سٹی : نیویارک سٹی زوہران ممدانی نے لوئر مین ہٹن میں ایک اہم پریس کانفرنس کرتے ہوئے شہریوں کو خبردار کیا ہے کہ آنے والا ‘نار ایسٹر’ طوفان توقع سے زیادہ شدید ہو سکتا ہے۔ میئر کے مطابق، برف باری کی مقدار 13 سے 17 انچ تک رہنے کی توقع ہے، تاہم یہ 20 انچ سے بھی تجاوز کر سکتی ہے۔
میئر نے انتباہ کیا کہ پیر کی صبح کام پر جانے والوں (Commute) کے لیے حالات انتہائی پرخطر ہوں گے۔ برف پگھلنے اور دوبارہ جمنے کی وجہ سے سڑکیں اور فٹ پاتھ شیشے کی طرح پھسلن والے ہو سکتے ہیں۔
پیر کے روز اسکول کھلے رہیں گے یا نہیں، اس کا فیصلہ اتوار دوپہر 12 بجے تک کر دیا جائے گا۔
سب وے کی کھلی پٹریوں (A, N, B, Q, 5, اور 7 لائنز) پر برف صاف کرنے کے لیے خصوصی مشینری تعینات کی گئی ہے۔ ایکسپریس ٹرینیں لوکل ٹریکس پر چلائی جا سکتی ہیں، جس سے سفر میں تاخیر ہوگی۔
محکمہ صفائی (DSNY) کے 2,600 سے زائد ملازمین 12 گھنٹے کی شفٹوں میں کام کریں گے۔ شہر کے ‘پلو ٹریکر’ (Plow Tracker) کے ذریعے آپ برف ہٹانے والی گاڑیوں کی لائیو لوکیشن دیکھ سکتے ہیں۔
بے گھر افراد کی حفاظت کے لیے ہفتہ شام 4 بجے سے پورے شہر میں ‘کوڈ بلیو’ نافذ کر دیا گیا ہے۔
برف باری کی وجہ سے کچرا اٹھانے کا کام کم از کم ایک دن تاخیر کا شکار ہوگا۔
