ہانگ کانگ/بیجنگ(ویب ڈیسک): علی بابا نے اپنی خود تیار کردہ نئی چپ کے ذریعے ٹیکنالوجی کی دنیا میں ایک بڑا قدم اٹھایا ہے۔
صنعت کے ماہرین کا کہنا ہے کہ اس چپ کی لانچنگ کے ساتھ ہی علی بابا کا “گولڈن ٹرائینگل” مکمل ہو گیا ہے، جس میں درج ذیل تین شعبے شامل ہیں:
تونگی لیب (Tongyi Lab): اے آئی ماڈلز کی تیاری۔
علی بابا کلاؤڈ (Alibaba Cloud): کلاؤڈ سروسز کی فراہمی۔
پنگ ٹوگے (Pingtouge): جدید ترین چپس کی مینوفیکچرنگ۔
“Zhenwu 810E” کو علی بابا کے اپنے تیار کردہ پیرالل کمپیوٹنگ آرکیٹیکچر اور سافٹ ویئر اسٹیک پر بنایا گیا ہے۔
کارکردگی کے حوالے سے جاری کردہ چارٹس میں علی بابا کی اس نئی چپ کو ہواوے (Huawei) اور عالمی شہرت یافتہ امریکی کمپنی اینویڈیا (Nvidia) کی چپس کے مدمقابل رکھا گیا ہے۔
یہ چپ مکمل طور پر ان ہاؤس سافٹ ویئر اور بین چپ مواصلاتی ٹیکنالوجی (Inter-chip communication) سے لیس ہے۔
علی بابا کے مطابق، یہ چپس پہلے ہی علی بابا کلاؤڈ کے بڑے کلسٹرز میں نصب کی جا چکی ہیں اور 400 سے زائد بڑے صارفین کو خدمات فراہم کر رہی ہیں، جن میں شامل ہیں:
چائنا اسٹیٹ گرڈ (State Grid of China)
چائنیز اکیڈمی آف سائنسز
ایکس پینگ موٹرز (Xpeng Motors)
سینا ویبو (Sina Weibo)
