اسٹار وارز شائقین کے لیے بڑی خوشخبری، ڈیزی لینڈ میں مکمل کہانیوں کا نیا تجربہ

سان فرانسسکو(ویب ڈیسک): ڈیزی لینڈ کے ‘سٹار وارز: گلیکسی ایج’ (Star Wars: Galaxy’s Edge) کے حوالے سے ایک بڑی خوشخبری سامنے آئی ہے۔

29 اپریل سے اس تھیم پارک میں ایک نئی تبدیلی لائی جا رہی ہے، جس کے تحت اس فرنچائز کے سب سے مشہور اور کلاسک کرداروں کو پہلی بار یہاں باقاعدہ طور پر متعارف کرایا جائے گا۔

اس اپڈیٹ کے بعد، یہ پارک اب کسی ایک مخصوص دور تک محدود نہیں رہے گا بلکہ اس میں ‘سٹار وارز’ کی پوری تاریخ کے مختلف ادوار بشمول ‘گلیکٹک سول وار’، ‘نیو ریپبلک’ اور ‘ایج آف دی ریزسٹنس’ کی کہانیاں اور کردار نظر آئیں گے۔

29 اپریل سے شائقین جن لیجنڈری کرداروں سے مل سکیں گے ان میں
ڈارتھ ویڈر (Darth Vader) بلیک سپائر آؤٹ پوسٹ میں سٹورم ٹروپرز کے ساتھ گشت کرتے نظر آئیں گے۔

لوک سکائی واکر (Luke Skywalker): وہ آؤٹ پوسٹ میں ‘فورس’ کے علم اور لائٹ سیبرز کی تلاش میں گھومتے ملیں گے۔

لیا آرگینا اور ہان سولو (Leia Organa & Han Solo): یہ دونوں کردار ‘ملینیم فالکن’ (Millennium Falcon) جہاز کے قریب موجود ہوں گے۔

اس تبدیلی کے تحت کائیلو رین (Kylo Ren) کو اب پارک کے ٹومارولینڈ (Tomorrowland) والے حصے میں منتقل کر دیا گیا ہے۔

پارک کی فضا کو مزید حقیقت پسندانہ بنانے کے لیے 29 اپریل سے مشہور موسیقار جان ولیمز کی اصل فلمی دھنیں پورے پارک میں گونجیں گی۔ داخلہ راستوں پر فلم کا مشہور ‘مین ٹائٹل’ اور ‘کینٹینا’ کے قریب ‘کینٹینا بینڈ’ جیسی دھنیں سنائی دیں گی۔

پارک کی دکانوں میں بھی کہانی کے اعتبار سے تبدیلیاں کی جا رہی ہیں:

فرسٹ آرڈر کارگو اب بلیک سپائر سرپلس بن جائے گی، جہاں مختلف ادوار کا فوجی سامان ملے گا۔

ڈروئیڈ ڈپو میں اب ‘میوبو خاندان’ کی پرانی نسل کے کردار دکان چلاتے نظر آئیں گے۔

‘رائز آف دی ریزسٹنس’ (Rise of the Resistance) رائیڈ کی کہانی میں کوئی تبدیلی نہیں کی گئی، البتہ یہ مرمت کے لیے 20 جنوری سے کچھ ہفتوں تک بند رہے گی۔