نیوارک، نیو جرسی: نیوارک سٹی انتظامیہ نے جمعہ کی رات سے ہفتے تک شہر میں ‘کوڈ بلیو’ نافذ کر دیا ہے کیونکہ درجہ حرارت میں غیر معمولی کمی اور شدید سردی کی پیش گوئی کی گئی ہے۔
نیشنل ویدر سروس کے مطابق، جمعہ کی صبح نیو جرسی میں گرج چمک کے ساتھ بارش اور 60 میل فی گھنٹہ کی رفتار سے چلنے والی ہواؤں نے دستک دی۔
ماہرین کا کہنا ہے کہ:جمعہ کی دوپہر تک درجہ حرارت گر کر 40 ڈگری (فارن ہائٹ) تک پہنچ جائے گا۔رات کے وقت درجہ حرارت مزید گِر کر 25 ڈگری تک جا سکتا ہے، جو انسانی جان کے لیے خطرناک ثابت ہو سکتا ہے۔
‘کوڈ بلیو’ کے نفاذ کے بعد شہر کے تمام شیلٹرز (پناہ گاہوں) کے اوقات بڑھا دیے گئے ہیں اور بستروں کی گنجائش میں بھی اضافہ کر دیا گیا ہے۔ شہر کے آؤٹ ریچ ورکرز سڑکوں پر گشت کریں گے تاکہ کسی بھی ضرورت مند شخص کو گرم جگہ پر منتقل کیا جا سکے۔
اگر شہری کسی بے گھر شخص کو امداد کی ضرورت میں دیکھیں تو وہ 855-11 پر ‘Path Home’ لکھ کر ٹیکسٹ کر سکتے ہیں۔ درج ذیل مقامات پر خصوصی انتظامات کیے گئے ہیں:
ملر اسٹریٹ پاتھ ویز ٹو ہاؤسنگ سینٹر: 41 ملر اسٹریٹ (صرف بچوں والے خاندانوں کے لیے)۔
224 سسیکس ایونیو (صرف بالغان کے لیے)۔
انتظامیہ نے شہریوں کو محتاط رہنے اور شدید سردی میں غیر ضروری طور پر گھر سے باہر نہ نکلنے کی ہدایت کی ہے۔
