گزشتہ روز نارتھ بابلون قبرستان میں نیو یارک پولیس کے 75ویں پریسنکٹ سے تعلق رکھنے والے پولیس افسر پیٹر فیگوسکی کی شہادت کی 14ویں برسی کے موقع پر انہیں خراجِ عقیدت پیش کیا گیا۔
اس تقریب میں ڈیوٹی کے دوران جان کا نذرانہ پیش کرنے والے اس بہادر پولیس افسر کی قربانی کو یاد کیا گیا۔
شرکاء نے پولیس افسر پیٹر فیگوسکی کی خدمات اور قربانی کو سراہتے ہوئے ان کی یاد کو خراجِ تحسین پیش کیا اور ان کے لیے دعائے مغفرت کی۔ اس موقع پر بروکلن نارتھ پولیس بینیولنٹ ایسوسی ایشن (PBA) کے فنانشل سیکریٹری جان فٹزجیرالڈ بھی موجود تھے۔
تقریب کے اختتام پر شہید پولیس افسر کے درجات کی بلندی اور ان کے اہلِ خانہ کے لیے صبر و استقامت کی دعا کی گئی۔
اللہ تعالیٰ مرحوم کو جوارِ رحمت میں جگہ دے۔
